fbpx

رائل ملٹری اکیڈمی میں پاسنگ آوٹ کی تقریب،آرمی چیف کی بطور مہمان خصوصی شرکت

پاکستان اور برطانیہ کے تعلقات باہمی احترام پر مبنی ہیں،آرمی چیف

برطانیہ، رائل ملٹری اکیڈمی سینڈ ہرسٹ میں پاسنگ آوٹ کی تقریب ہوئی

پاکستان کے لیے بڑا اعزاز ،آرمی چیف جنرل قمر جاوید باجوہ پاک فوج کے پہلے سربراہ ہیں جو اس پریڈ میں شریک ہیں آرمی چیف جنرل قمر جاوید باجوہ کو سلامی دی گئی آرمی چیف جنرل قمر جاوید باجوہ نے پاسنگ آوٹ پریڈ کا معائنہ کیا، پاسنگ آوٹ پریڈ میں 41غیر ملکی کیڈٹس پاس آوٹ ہو رہے ہیں پاکستان ملٹری اکیڈمی کے 2 کیڈٹس عبداللہ اور مجتبیٰ بھی پاس آوٹ ہونے والوں میں شامل ہیں

پاسنگ آوٹ کی تقریب سے خطاب کرتے ہوئے آرمی چیف جنرل قمر جاوید باجوہ کا کہنا تھا کہ اس تقریب میں شرکت میرے لیے اعزاز کی بات ہے برطانوی کیڈٹس کے علاوہ 41 غیر ملکی کیڈٹس بھی پاس آؤٹ ہو رہے ہیں، پاس آؤٹ ہونے والے تمام کیڈٹس کو مبارکباد پیش کرتا ہوں 2 پاکستانی کیڈٹس بھی آج آپ کے ساتھ پاس آؤٹ ہوں گے اور میں کہنا چاہوں گا کہ مجھے آپ سب پر اتنا ہی فخر ہے جتنا مجھے ان دونوں پر ہے

آرمی چیف جنرل قمر جاوید باجوہ نے اکیڈمی میں کامیابی کے ساتھ تربیت مکمل کرنے پر کیڈٹس اور ان کے اہل خانہ کو مبارکباد دیتے ہوئے کہا کہ آپ یہاں دنیا کی بہترین افواج کا حصہ بنے ہیں جنہوں نے عظیم فوجی رہنما پیدا کیے پاکستان اور برطانیہ کے درمیان تعلقات دوستی اور باہمی احترام پر مبنی ہیں، دونوں ممالک کے درمیان بہترین دفاعی تعلقات پائے جاتے ہیں آج اکیڈمی میں میری موجودگی پاکستان اور برطانیہ کے مشترکہ تعلقات کا ثبوت ہے، امید ہے کہ دونوں ممالک کے تعلقات تاریخی بلندیوں کو چھوئیں گے اسی طرح دونوں مسلح افواج کے درمیان تعلق منفرد نوعیت کا ہے اور فوجی تربیت اور دیگر عسکری سرگرمیوں میں قریبی پیشہ ورانہ رابطے کے ذریعے برسوں سے اسے زندہ رکھا گیا ہے

آرمی چیف جنرل قمر جاوید باجوہ نے پاس آؤٹ ہونے والے کیڈٹس کو مخاطب کرتے ہوئے کہا کہ اب آپ سب پر بڑی ذمہ داریاں اور اہم توقعات وابستہ ہوں گی عصر حاضر کے چیلنجر سے نمٹنے کے لیے نوجوانوں کو جدید ٹیکنالوجی سے فائدہ اٹھانا چاہیے

واضح رہے کہ دو روز قبل ڈی جی آئی ایس پی آر نے کہا تھا کہ آرمی چیف جنرل قمر جاوید باجوہ سرکاری دورے پر برطانیہ پہنچے ہیں۔ ڈی جی آئی ایس پی آر نے آرمی چیف کے دورہ برطانیہ کے حوالہ سے مزید بتاتے ہوئے کہا کہ آرمی چیف جنرل قمر جاوید باجوہ برطانیہ کے فوجی حکام سے بھی دورے کے دوران ملاقاتیں کریں گے

دہشت گردی عالمی خطرہ ہے،نمٹنے کیلئے مربوط ردعمل کی ضرورت ہے،آرمی چیف

آرمی ایوی ایشن کا ہیلی کاپٹر سسی پنوں کے قریب تباہ ہو گیا.