راولپنڈی :آصف غفور کی ترقی پر آذربائیجانی سفیر کی خوبصورت اوردلچسپ انداز میں مبارکباد،اطلاعات کے مطابق آذربائیجان کے سفیر علی علی زادہ نے سابق ڈی جی آئی ایس پی آر میجر جنرل آصف غفور کو لیفٹیننٹ جنرل کے عہدے پر ترقی کی مبارکباد دی۔
جہاں دیگرپاکستانیوں کو سابق ڈی جی آئی ایس پی ار کی ترقی پرخوشی ہوئی ہے وہاں پاکستان سے محبت کرنے والے دوسرے ممالک کوبھی بہت خوشی ہوئی ہے ، اس کا واضح ثبوت آذربائیجان کے سفیر علی علی زادہ نے ٹوئٹر پر ایک ویڈیو ری ٹوئٹ کی جس میں لیفٹیننٹ جنرل آصف غفور اپنے ایک دورے میں فوجی جوانوں سے ملاقات کے موقع پر ان کے ساتھ روایتی رقص کررہے ہیں۔علی علی زادہ کی جانب سے شیئرکی گئی ویڈیو پر مشہور سرائیکی گانا بھی لگاہوا ہے۔
Congratulations Lieutenant #General Asif Gafoor for your promotion and all the best wishes ! @peaceforchange ⭐️⭐️⭐️https://t.co/TRiJ84qFtB
— Ali Alizada 🇦🇿 (@Ali_F_Alizada) November 27, 2020
اس موقع پر آذربائیجان کے سفیر علی علی زادہ نے آصف غفور کو لیفٹیننٹ جنرل کے عہدے پر ترقی کی مبارکباد دینے کے ساتھ ساتھ نیک خواہشات کا اظہار بھی کیا۔
یاد رہے کہ پاک فوج کے 6 میجر جنرلز کو اگلے رینک لیفٹیننٹ جنرل کے عہدے پر ترقی دی گئی تھی۔ترقی پانے والوں میں میجر جنرل آصف غفور کے ساتھ ساتھ میجر جنرل اختر نواز، میجر جنرل سردار حسن اظہر حیات، میجر جنرل سلمان فیاض غنی، میجر جنرل سرفراز علی اور میجر جنرل محمد علی شامل ہیں۔
