ملک کی سیاسی قیادت نے ایشیا کپ کے سپر 4 مرحلے میں بھارت کے خلاف پاکستان کی شاندار فتح پر قومی ٹیم کو مبارک باد دی ہے۔
دوسری جانب وزیراعظم شہباز شریف نے قوم اور پاکستانی کرکٹ ٹیم کو فتح پر مبارک باد پیش کرتے ہوئے کہا کہ پاکستان کی جیت پر قوم اور کرکٹ ٹیم کے کھلاڑیوں کو مبارک دیتا ہوں، آپ نے قوم کے دل بھی جیت لئے ہیں، شاباش ٹیم پاکستان۔
پاکستان تحریک انصاف کے چیئرمین اور سابق وزیر اعظم عمران خان بھارت کے خلاف کرکٹ میچ جیتنے پر قومی ٹیم کو مبارکباد پیش کر دی۔
Congratulations Team Pakistan for a great fight back and win; and for keeping your nerve under pressure. This was a much needed morale booster for the nation at a difficult time.
— Imran Khan (@ImranKhanPTI) September 4, 2022
عمران خان نے اپنے ٹوئٹر اکاؤنٹ سے لکھا: ’ٹیم پاکستان کو زبردست فائٹ بیک اور جیت پر مبارکباد دیتا ہوں، پاکستان ٹیم نے انتہائی دباؤ میں اعصاب پر قابو رکھا، مشکل وقت میں قوم کا مورال بلند کرنے کے لیے یہ جیت ضروری تھی‘۔
وزیراعلیٰ پنجاب چوہدری پرویز الہٰی نے سماجی رابطے کی ویب سائٹ ٹویٹر پر اپنے ایک پیغام میں کہا کہ روایتی حریف بھارت سے حساب برابر کر نے پر قومی کرکٹ ٹیم کو دلی مبارکباد دیتا ہوں، قوم کو آپ پر ناز ہے۔
شاباش ، شاہینو، شاباش!
روایتی حریف بھارت سے حساب برابر کر نے پر قومی کرکٹ ٹیم کو دلی مبارکباد دیتا ہوں۔ قوم کو آپ پر ناز ہے۔ قومی کرکٹ ٹیم نے بہترین کھیل پیش کرکے روایتی حریف کو زیر کیا۔#INDvsPAK2022 #Pakistan #Cricket— Ch Parvez Elahi (@ChParvezElahi) September 4, 2022
انہوں نے کہا کہ قومی کرکٹ ٹیم نے بہترین کھیل پیش کرکے روایتی حریف کو زیر کیا جبکہ رضوان نے شاندار بلے بازی کے ذریعے پاکستان کو فتح سے ہمکنار کیا۔
رضوان نے شاندار بلے بازی کے ذریعے پاکستان کو فتح سے ہمکنار کیا۔ نواز نے بھی اچھی بیٹنگ کرکے جیت میں اپنا حصہ ڈالا۔ یہی وہ جذبہ ہے جو پاکستانی قوم کو ممتاز کرتا ہے۔ سیلاب کی تباہ کاریوں کے بڑے چیلنج سے نبردآزما قوم کے لئے آج کی جیت باعث افتخار ہے.
— Ch Parvez Elahi (@ChParvezElahi) September 4, 2022
وزیر اعلیٰ سندھ مراد علی شاہ نے پاکستان ٹیم کوبھارت کیخلاف کامیابی پرمبارکباد دیتے ہوئے تمام کھلاڑیوں خاص طور پر محمد رضوان کے کھیل کو سراہا۔
Thank you & well done Team Pakistan for bringing us joy & smiles amid a terrible calamity. Pakistan Zindabad🇵🇰 💚
— Maryam Nawaz Sharif (@MaryamNSharif) September 4, 2022
مسلم لیگ (ن) کی نائب صدر مریم نواز نے کہا کہ ایک خوفناک آفت کے درمیان ہمارے خوشی اور مسکراہٹیں لانے کے لیے آپ کا شکریہ اور شاباش ٹیم پاکستان۔ پاکستان زندہ باد۔سابق وزیراعلیٰ پنجاب حمزہ شہباز نے کہا کہ پاکستان نےشاندارکھیل پیش کرکے روایتی حریف کو پچھاڑا۔
شاباش پاکستان کرکٹ ٹیم
پاکستان زندہ باد— Siraj ul Haq (@SirajOfficial) September 4, 2022
امیر جماعت اسلامی پاکستان سراج الحق نے بھی ٹویٹ کرکے ٹیم کو مبارکباد دی۔
