دنیا بھر میں خو ف وہراس پھیلانے والے خطرناک کورونا وائرس سے کھیلوں تعلیمی شوبز اور ثقافتی سرگرمیوں سمیت مختلف شعبہ جات متاثر ہوئے ہیں اور اب ہالی وڈ فلم میٹرکس 4 کی شوٹنگ روکنے کا بھی فیصلہ سامنے آ گیا ہے
باغی ٹی وی : کورونا وائرس کے خطرے کے پیش نظر ہالی وڈ پروڈیو سر گرانٹ ہل نے فلم میٹرکس 4 کی شوٹنگ روکنے کا بھی فیصلہ کیا ہے وارنر بروس نے فلم میٹرکس 4 کی شوٹنگ کا آغاز امریکی ریاست سین فرانسسکو میں کیا جانا تھاتاہم کورونا وائرس کے پھیلاؤ سے بچنے کے لیے امریکی صدر ڈونلڈ ٹرمپ کی جانب سے ملک میں ایمرجنسی عائد کرنے کے بعد فلم کے پروڈیوسر گرانٹ ہل کی جانب سے شوٹنگ ملتوی کرنے کا فیصلہ کیا ہے
خیال رہے کہ اس سے قبل امریکہ میں منعقد ہونے والی فیشن اور شوبز کی اہم ترین تقریب میٹ گالا بھی ملتوی کر دی گئی ہے
کورونا وائرس کے باعث فیشن اور شوبز کی اہم تقریب میٹ گالا بھی منسوخ
امریکہ میں کورونا کیسز کی بڑھتی تعداد کے پیش نظر امریکی صدر ڈونلڈ ٹرمپ نے ملک میں قومی ایمرجنسی نافذ کر رکھی ہے امریکا نے احتیاطی تدابیر کے پیش نظر پروازیں منسوخ کردی ہیں اور اس کے ساتھ ہی ملک بھر میں ہونے والے کئی میوزک فیسٹیول کھیلوں کے مقابلے صحت اور کاروبار سے متعلق سیمینار اور فلموں کی نمائش بھی منسوخ کی گئی ہے
واضح رہے کہ کورونا وائرس سے پاکستان سمیت 162ممالک متاثر ہوچکے ہیں جس میں 7100 افراد ہلاک اور 1لاکھ82ہزار سے زائد متاثر ہوچکے ہیں جبکہ پاکستان میں کورونا سے متاثرین افراد کی تعداد تقریباً 200 ہو گئی ہے








