بین الاقوامی

کرونا کی احتیاطی تدابیر جوتے کی نوک پر ، گرمی کے ستائے برطانوی شہری ساحل پر امڈ آئے

5 سال قبل
5 سال قبل

کرونا کی احتیاطی تدابیر جوتے کی نوک پر ، گرمی سے ستائے برطانوی شہری ساحل پر امڈ آئے

باغی ٹی وی ، گرمی کے ستائے برطانوی شہریوں میں‌بھی پاکستانیوں کی لاپرواہی والی روح جاگ اٹھی ، ہزاروں‌ برطانوی شہریوں نے سماجی فاصلے اور دیگر تدابیر کو پس پشت ڈال کر ساحل سمندر کا رخ کر لیا ، برطانیہ کے وزیر صحت میٹ ہینکوک نے جمعرات کی شب جاری ایک بیان میں خبردار کیا ہے کہ اگر ملک میں بالخصوص جنوبی انگلینڈ میں واقع ساحلوں پر آنے والوں نے ماسک لگانے اور کم از کم دو میٹر کے سماجی فاصلے سے متعلق پابندیوں کو نظر انداز کرنے کا سلسلہ جاری رکھا تو حکومت مذکورہ ساحلوں کو بند کرنے پر مجبور ہو سکتی ہے۔ وزیر صحت کا یہ بیان ان وڈیو کلپوں اور تصاویر کو دیکھنے کے بعد سامنے آیا ہے جن میں جنوبی انگلینڈ کی کاؤنٹی ڈورسٹ میں واقع قصبے Bournemouth کے ساحل پر پانچ لاکھ کے قریب افراد اکٹھا نظر آ رہے ہیں۔


برطانوی وزیر کے مطابق عوام کا اس خطر ناک طریقے سے ساحلوں پر جمع ہونا ،،، حکومت کی جانب سے ریستوران، دکانیں اور ہوٹلوں سمیت بہت سے عوامی مقامات کو دوبارہ کھولنے کا منصوبہ برباد کر سکتا ہے۔ ان مقامات کو 4 جولائی سے دوبارہ کھولے جانے کی منصوبہ بندی کی گئی ہے۔

برطانوی وزیر اعظم بورس جانسن نے بدھ برطانوی شہریوں کو خبردار کیا تھا کہ وہ کرونا وائرس سے نمٹنے میں کسی سستی کا مظاہرہ نہ کریں۔ انہوں نے کہا کہ حکومت نیشنل ہیلتھ سروس کے نام سے معروف طبی انجمن میں ڈاکٹروں اور تیمارداروں کی ایک بڑی تعداد کو شامل کر رہی ہے۔

Shares:

مزید خبریں