پاکستان میں گزشتہ 24 گھنٹوں کے دوران کورونا وائرس سے مزید 45 افراد جاں بحق ہوگئے-
باغی ٹی وی :نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران کورونا کے مزید 2 ہزار 819 کیسز رپورٹ ہوئے ملک میں کورونا کیسز کی تعداد 10 لاکھ 4 ہزار 694 ہوگئی جبکہ کورونا سے مجموعی اموات 23 ہزار 16 ہوگئیں۔
Statistics 25 Jul 21:
Total Tests in Last 24 Hours: 44,579
Positive Cases: 2819
Positivity % : 6.32%
Deaths : 45— NFRCC (@NFRCCofficial) July 25, 2021
این سی او سی کے مطابق ملک میں کورونا مثبت کیسز کی شرح 6.32 فیصد رہی گزشتہ24 گھنٹوں کے دوران 37 ہزار 690 ٹیسٹ کیے گئے۔
سندھ میں کورونا کے کیسز کی تعداد تین لاکھ 62 ہزار 182، خیبر پختونخوا میں ایک لاکھ 41 ہزار 359، پنجاب میں تین لاکھ 51 ہزار 707، اسلام آباد میں 85 ہزار 230، بلوچستان میں 29 ہزار 357، آزاد کشمیر میں 22 ہزار 592 اور گلگت بلتستان میں 7 ہزار 607 ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 10 ہزار 909 افراد جان کی بازی ہار چکے ہیں جبکہ سندھ میں 5 ہزار 785، خیبرپختونخوا 4 ہزار 405، اسلام آباد 789، گلگت بلتستان 122، بلوچستان میں 321 اور آزاد کشمیر میں 608 افراد جان کی بازی ہار چکے ہیں۔
