+9251
لاہور:امریکی جنگی بحری بیڑے ”روزویلٹ“ پر کرونا وائرس کاحملہ، بحری فوج کے 4ہزار سے زائد اہلکاروں کی زندگیاں داﺅ پر لگ گئیں،اطلاعات کےمطابق امریکہ کے جنگی بحری بیڑے ”روزویلٹ“ پر کرونا وائرس کے شکار اہلکاروں کی موجودگی سے امریکی بحری فوج کے 4ہزار سے زائد اہلکاروں کی زندگیاں داﺅ پر لگ گئیں‘
امریکی دفاعی حکام کے مطابق جہاز کے کپتان نے فوری مدد کے لیے پینٹاگون کو خط لکھ دیا. امریکی نشریاتی ادارے کے مطابق بحری بیڑے کے کپتان بریٹ کروزیئر نے چار صفحات پر مشتمل ایک خط میں پینٹاگون کو آگاہ کیا کہ بحرالکاہل کے ایک امریکی علاقے گوام میں ان کا بیڑا موجود ہے اور کرونا وائرس بیڑے پر تیزی سے پھیل رہا ہے جس کے باعث چار ہزار اہلکاروں کے متاثر ہونے کا خدشہ ہے
یاد رہے کہ اس وقت کرونا وائرس نے امریکہ پراپنے حملے جاری رکھے ہوئے ہیں اوراس وقت تازہ ترین اطلاعات کےمطابق کرونا وائرس سے متاثرامریکیوں کی تعداد 1 لاکھ 89 ہزار711 ہوگئی ہے ، جبکہ کرونا سے مرنے والوں کی تعداد 4100ہوگئی ہے ،
