کرونا وائرس، برطانیہ نے آئی ایم ایف کو کتنا فنڈ دینے کا اعلان کر دیا؟
باغی ٹی وی کی رپورٹ کے مطابق کرونا وائرس سے نمٹنے کے لئے برطانیہ نے عالمی مالیاتی ادارے آئی ایم ایف کو 15 کروڑ پاؤنڈ دینے کا اعلان کیا ہے
برطانیہ کا کہنا ہے کہ رقم کرونا وائرس سے بچاؤ کیلئے اقدامات پر خرچ کی جائے گی، کرونا وائرس سے متاثر غریب ممالک آئی ایم ایف کو قرضوں کی ادائیگی اور اپنے ملک میں کرونا وائرس سے بچاو کے لیے استعمال کرسکیں گے۔ ایشیائی ترقیاتی بینک نے بھی ادویات ساز کمپنیز کے لیے 20 کروڑ ڈالر کا فنڈ قائم کردیا ہے۔
بھارت میں کرونا کے 44 مریض، مندر میں بتوں کو بھی ماسک پہنا دیئے گئے
کرونا کا خدشہ، چکن کی قیمت دس روپے فی کلو ہونے پر پولٹری مالکان نے 6 ہزار مرغیوں کو زندہ دفنا دیا
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
برطانیہ میں کرونا وائرس سے متاثرہ افراد میں برطانوی وزیر صحت نادین ڈورس بھی شامل ہیں۔ برطانوی میڈیا کے مطابق برطانوی وزیر صحت میں کرونا وائرس کی تشخیص کے بعد انہوں نے تمام سرگرمیاں معطل کر دی ہیں،انہوں نے گزشتہ ہفتے سیکڑوں افراد سے ملاقاتیں کی تھی اور خاتون وزیر صحت نے برطانوی وزیر اعظم کے استقبالیے میں بھی شرکت کی تھی اور وزیراعظم سے ملاقات بھی کی تھی.
فلسطین میں کرونا متاثرین کی تعداد 30 ہو گئی ہے، جس کے بعد سیاحوں پر 2 ہفتے کی پابندی عائد کر دی گئی ہے۔ بھارت میں بھی وائرس کے 68 کیسز رپورٹ ہوئے ہیں، افغانستان میں بھی کرونا وائرس کے 7 کیسز سامنے آ چکے ہیں، پاکستان میں کرونا وائرس کے 20 کیسز سامنے آ چکے ہیں.
خیال رہے کہ اب تک ملک میں کورونا وائرس کے 20 کیسز سامنے آچکے ہیں جن میں سے کراچی میں 15، اسلام آباد میں 2 جب کہ گلگت بلتستان 2 اور بلوچستان سے ایک کیس کی تصدیق ہوچکی ہے۔ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں
