کورونا وائرس کی ایس او پی کی خلاف ورزی کرنے پر ضلع جنوبی میں3ریسٹورنٹس کوسیل کردیاگیا ہے-
باغی ٹی وی : چین کے شہر ووہان سے پھیلی عالمگیر وبا کورونا وائرس کی وجہ سے دنیا بھر کی طرح پاکستان میں بھی رواں ماہ مارچ سے لاک ڈاؤن کا نفاذ کیا گیا تھا عالمی وبا کی بدولت تما م معاشی ثقافتی تعلیمی مذہبی اور شوبز سرگرمیوں پر پابندی عائد کر دی گئی تھی یہاں تک کہ اس عالمی وبا کی وجہ سے نظام زندگی مفلوج ہو کر رہ گیا تھا تاہم اب پاکستان میں کورونا وبا کے خاتمے کے بعد حکومت نے لاک ڈاؤن ختم کرتے ہوئے تمام شعبہ جات کو احتیاطی تدابیر کے پیش نظر بنائی جانے والی ایس او پی کو اختیار کرتے ہوئے کاروبار سمیت تمام سرگرمیوں کو بحال کرنے کی اجازت دے دی ہے-ورنہ دوسری صورت میں کسی بھی ادارے کو سیل کر دیا جائے گا-
تاہم ایسی ہی اطلاعات سامنے آئیں ہیں کہ کورونا وائرس کی ایس او پی کی خلاف ورزی کرنے پر ضلع جنوبی میں3ریسٹورنٹس کوسیل کردیاگیا ہے-
کمشنرکراچی کےاحکامات پرڈپٹی کمشنرساوَتھ ارشاد سودھر نے ایکشن لیتے ہوئے مختلف ریسٹورنٹس کاجائزہ لیا-
ضلع جنوبی کے ڈپٹی کمشنر نے اس حوالے سے بات کرتے ہوئے بتایا کہ تینوں ریسٹورنٹس نےکوروناایس اوپیزکی خلاف ورزی کی ہے جس وجہ سے ان کو سیل کر دیا گیا ہے-
واضح رہے کہ کراچی میں کرونا کے بڑھتے کیسز پر این سی او سی کا اظہار تشویش،سمارٹ لاک ڈاؤن کی تجویز دی ہے اسلام آباد میں نیشنل کمانڈ اینڈ آپریشن سینٹر کا اجلاس ہوا-
فورم نے کراچی میں کورونا کےبڑھتے ہوئے کیسز پراظہار تشویش کیا،پاکستان میں گزشتہ 24گھنٹے کےدوران 747 کورونا کیسز سامنے آئے،گزشتہ 24گھنٹے کےدوران سب سے زیادہ 365کورونا کیسز کراچی میں رپورٹ ہوئے،وزیراعظم عمران خان کے معاون خصوصی برائے صحت ڈاکٹر فیصل سلطان کا کہنا تھا کہ اسمارٹ لاک ڈاوَن ،کنٹیکٹ ٹریسنگ اور ایس او پیز پر عمل ضروری ہے-
ڈاکٹرفیصل سلطان کا کہنا تھا کہ کورنا کو روکنے کے لیے اسمارٹ لاک ڈاوَن لگایا جائے
قبل ازیں سندھ حکومت نے کورونا وائرس کے کیسز کی شرح میں اضافہ کے بعد چھوٹے پیمانے پر اسمارٹ لاک ڈاؤن کے لئے تیاریاں کرلی ہیں، متاثرہ علاقوں کی نشاندہی کے بعد ڈی ایچ او اپنے علاقے میں کورونا کیسز کے تحت مائیکرو اسمارٹ لاک ڈاؤن کرے گا۔محکمہ صحت نے ڈپٹی کمشنروں، ایڈیشنل آئی جی اورایس ایس پی پولیس کو خط لکھ دیا ہے۔
