کورونا وائرس کی وجہ سے بھارت بھی لاک ڈاؤن میں‌چلا گیا

کورونا وائرس کی وجہ سے بھارت بھی لاک ڈاؤن میں‌چلا گیا

باغی ٹی وی :نئی دہلی ،بھارت میں بھی کورونا وائرس کو روکنے کے لیے لاک ڈاؤن کردیا گیا، بیماری کے پھیلاؤ کو روکنے کے لئے تقریبا پورا ہندوستان مکمل لاک ڈاؤن میں چلا گیا ہے ، پیر کی شام بھارت میں تصدیق شدہ کوویڈ 19 کیسوں کی تعداد 433 ہوگئی۔

تصدیق شدہ 433 کیسوں میں سے 402 فعال کیسز ہیں جبکہ ان میں سے 23 کو علاج اور اسپتالوں سے فارغ کردیا گیا ہے۔ نیز ، 433 کے اعداد و شمار میں موت کے سات کیسز ہیں اور صحت یاب کوویڈ 19 مریض شامل ہیں۔

مزید یہ کہ 433 واقعات میں سے 393بھارتی شہری ہیں جبکہ 40 غیر ملکی شہری ہیں۔یہ اعدادوشمار 23 مارچ کی شام 6 بجے کے ہیں، جو کہ وزارت صحت اور خاندانی بہبود کی وزارت کے مطابق ہے۔

بھارت میں کیسوں کی تعداد میں مسلسل اضافہ ہونے کے ساتھ ، مرکز نے اس بیماری کے پھیلاؤ کو روکنے کے لئے کئی سخت اقدامات کا اعلان کیا ہے۔ اس نے 31 مارچ تک ملک بھر کی تمام مسافر ٹرینوں ، بین ریاستی بسوں اور میٹرو ٹرین خدمات کو معطل کردیا ہے۔

مزید برآں ، مرکز نے پیر کو ملک بھر میں تقریبا 80 اضلاع کو مکمل طور پر لاک ڈاؤن کا حکم دیا تھا – یہ اضلاع ایسے ہیں جہاں کورونا وائرس کے تصدیق شدہ واقعات کی اطلاع ملی ہے۔

مہاراشٹر ، پنجاب ، ہماچل پردیش ، تلنگانہ ، آندھراپردیش ، کیرالہ ، سمیت متعدد ریاستوں نے مکمل لاک ڈاؤن کا اعلان کیا ہے اور اپنی سرحدیں بند کردی ہیں۔ مہاراشٹرا اور پنجاب نے پیر کے روز بھی کرفیو کا اعلان کیا تاکہ لوگوں کو یہ یقینی بنایا جا سکے کہ لوگ ممنوعہ احکامات کی خلاف ورزی نہ کریں
خیال رہے کہ گزشتہ برس چین کے شہر ووہان سے منظر عام پر آنے والا کورونا وائرس اب دنیا کے 192 ملکوں تک پھیل چکا ہے جس سے مجموعی طور پر 3 لاکھ 35 ہزار سے زائد افراد متاثر اور 14 ہزار 476 افراد ہلاک ہو چکے ہیں۔ جب کہ وبا سے متاثر 98 ہزار سے زائد صحتیاب بھی ہو چکے ہیں۔