لاہور میں کتنے چینی باشندوں میں‌ کرونا وائرس کی ہوئی تشخیص؟

لاہور میں کتنے چینی باشندوں میں‌ کرونا وائرس کی ہوئی تشخیص؟

باغی ٹی وی کی رپورٹ کے مطابق پنجاب کے صوبائی دارالحکومت لاہور میں سی پیک منصوبوں پر کام کرنے والے 4 چینی باشندوں میں کرونا کی تشخیص ہو گئی ہے

نجی ٹی وی کے مطابق گزشتہ روز 19 چینی باشندوں کے سروسز ہسپتال میں نمونے لیے گئے تھے۔ 15 چینی باشندوں کے ٹیسٹ منفی آئے جبکہ 4 میں کرونا وائرس کی تصدیق ہوئی۔

جن چینی باشندوں کے ٹیسٹ مثبت آئے وہ سی پیک کے مختلف منصوبوں پر کام کر رہے تھے۔ چاروں چینی باشندوں کو سروسز ہسپتال کے آئسولیشن وارڈ میں منتقل کر دیا گیا ہے۔ سروسز ہسپتال میں ان چاروں چینی باشندوں کے حوالے سے علیحدہ انتظامات بھی مکمل کر لئے گئے ہیں۔

ہسپتال انتظامیہ کی جانب سے کہا گیا ہے کہ ان چاروں چینی باشندوں کو 14 روز کے لئے ہسپتال کے آئسولیشن وارڈ میں علیحدہ سے رکھا جائے گا۔ ان کو تمام تر طبی سہولیات فراہم کی جائیں گی۔ تاکہ یہ وائرس آگے کسی کو منتقل نہ ہو سکے. اس حوالہ سے ہسپتال نے تمام انتظامات مکمل کر لئے ہیں.

واضح رہے کہ پجاب میں لاک ڈاؤن کا اعلان کر دیا گیا ہے ،منگل 24 مارچ سے 6 اپریل تک صوبے بھر میں شاپنگ مالز، بازار، دکانیں، پارکس، ریسٹورینٹس اور ایسی عوامی اجتماعات والی تمام جگہیں بند ہونگی۔ ڈبل سواری پر بھی پابندی ہو گی، کریانہ سٹور، میڈیکل سٹور ، ادویات بنانے والی فیکٹریاں کھلی ہوں گی. ضروری سروسز فراہم کرنے والے ادارے و ویلفیئر ادارے کھلے رہیں گے.

14 دن کے لئے فوج اور سول ادارے احکامات پر عملدرآمد یقینی بنائیں گے. دفعہ 144 نافذ ہے، قانون کے مطابق ادارے کام کریں گے، غریبوں کے لئے کل کی کابینہ میٹنگ مین کچھ فیصلہ کریں گے، یہ کرفیو نہیں بلکہ عوام کی حفاطت کے لئے اقدامات کرین گے، یہ کرفیو والی صورتحال نہیں، تھوڑی سی تبدیلی کی ، اس کا مطلب یہ نہیں کہ کرفیو لگ گیا اور آپ باہر نہیں نکل سکتے.پنجاب میں ڈبل سواری پربھی پابندی ہوگی، گھر میں رہنا ہی کرونا سے بچاؤ کا واحد راستہ ہے، جس چیز کی ضرورت ہو گی ہم مشاورت سے آگے چلیں گے .روزمرہ کی اشیاکی دکانیں کھلی رہیں گی،ہم روزانہ میٹنگ کرتے رہیں گے اور فیصلہ کرتے ہیں، اگر صورتحال اچھی ہوئی تو ہم پہلے کوئی فیصلہ کر لیں گے

کرونا وائرس سمیت تمام چیلنجزکوشکست دیں گے، آرمی چیف