ممتاز حیدر
سپریم کورٹ، 9 مئی مقدمات میں اعجاز چودھری کی درخواست ضمانت پر سماعت ہوئی
عدالت نے عجاز چودھری کی درخواست ضمانت پر سماعت آئندہ ہفتے تک ملتوی کر دی ،چیف جسٹس یحییٰ آفریدی نے پراسیکیوٹر سےسوال کیا کہ اعجاز چودھری کیخلاف کیا شواہد ہیں؟ ا سپیشل پراسیکیوٹر نےکہا کہ اعجاز چودھری کی ویڈیو موجود ہے جس میں لوگوں کو اکسا رہے ہیں،چیف جسٹس نے کہا کہ کیا اعجاز چودھری کی کوئی ویڈیو ہے؟ دوران سماعت پولیس نےپیمرا کاریکارڈپیش کیا، چیف جسٹس یحییٰ آفریدی نے کہا کہ بیشک انٹرویو ہے آپ کاموکل نوجوانوں کو اکسارہاتھا،جسٹس شفیع صدیقی نے کہا کہ ایک انٹرویو 17مئی، ایک آڈیو10مئی کی ہے، جسٹس شکیل احمد نے کہا کہ اکسانے کاکیس ہے تو 9 مئی یا اس سے پہلے کا کوئی ثبوت دکھائیں، عدالت نے پولیس کو مزید شواہد پیش کرنے کی ہدایت کرتے ہوئے سماعت ملتوی کر دی
جس نے 9مئی کو آگ لگائی اس پر پراسیکیوشن کیساتھ ہیں،چیف جسٹس
9 مئی شیخ امتیاز،حافظ فرحت عباس ضمانت کیس کی سماعت ہوئی،چیف جسٹس یحییٰ آفریدی نے استفسار کیا کہ کیا شیخ امتیاز کی اکسانے کی کوئی ویڈیو موجود ہے۔وکیل پنجاب حکومت نے کہا کہ پیمرا سمیت تمام ریکارڈ موجود ہے، ویڈیو کا فرانزک بھی کرایا ہے۔ چیف جسٹس یحییٰ آفریدی نے کہا کہ یہ ویڈیو نہیں آڈیو ہے۔ جس نے 9مئی کو آگ لگائی اس پر پراسیکیوشن کیساتھ ہیں ضمانت کو نہ چھیڑیں وائس میچنگ کاملزم کا ٹیسٹ کروالیں ملزم وائس میچنگ ٹیسٹ یا تفتیشی کے سامنے پیش نہ ہو تو بے شک گرفتار کریں، سازش کے الزام پر کسی کو ایسے جیل نہ رکھیں،جسٹس شکیل احمد نے کہا کہ سازش، اعانت، للکارا کیلئے ٹھوس شواہد ہونے چاہیں۔
وکیل لطیف کھوسہ نے4 ماہ میں ٹرائل مکمل کرنے کے حکم پر اعتراض کیا کبھی ایسا ہوا کہ چار ماہ میں ٹرائل مکمل ہو۔،جس پر چیف جسٹس نے کہا کہ فاضل کونسل ایسا مت کہیں قانون روانہ انسداد دہشتگردی عدالت میں مقدمات کی سماعت کا کہتا۔
نومئی مقدمہ،سپریم کورٹ سے امتیاز شیخ کی درخوست ضمانت قبل از گرفتاری منظور
سپریم کورٹ نے امتیاز شیخ کی درخوست ضمانت قبل از گرفتاری منظور کر لی ،عدالت نے حافظ فرحت عباسی کی ضمانت کی درخواست پر سماعت آئندہ ہفتے تک ملتوی کر دی ،عدالت نےحافظ فرحت کو آئندہ سماعت تک گرفتار نہ کرنے کا حکم برقرار رکھا
