ورلڈ کپ میں سیمی فائنل کی دوڑ سے باہر ہونے پر پاکستانی کرکٹ ٹیم کے کھلاڑی وطن واپس پہنچ رہے ہیں. قومی ٹیم کے کپتان سرفراز احمد اورمحمد حسنین کراچی پہنچ گئے ہیں.
باغی ٹی وی کی رپورٹ کےمطابق قومی کرکٹ ٹیم کےکھلاڑیوں کی ٹولیوں کی شکل میں وطن واپسی ہو گی. شعیب ملک، محمدعامر،وہاب ریاض اورمحمد حفیظ کچھ دن لندن میں اپنی فیملیز کے ساتھ قیام کریں گے اور پھر پاکستان واپس آئیں گے.
قومی ٹیم کے کھلاڑی امام الحق،بابراعظم اورآصف علی لاہورپہنچ گئے ہیں. اسی طرح دوسرے کھلاڑی بھی جلد پاکستان پہنچ جائیں گے. پاکستان کے ورلڈ کپ سے باہر ہونے پر پاکستانی شائقین مایوس نظر آتے ہیں .