چیف سیکرٹری کا شاہدرہ فلائی اوور منصوبے کا معائنہ
نگران وزیر اعلیٰ پنجاب محسن نقوی کی ہدایت پر چیف سیکرٹری پنجاب زاہد اختر زمان نے جمعہ کے روز شاہدرہ فلائی اوور منصوبے کا دورہ کیا۔ چیف سیکرٹری نے پراجیکٹ سائٹ کا معائنہ کیا اورکام میں مصروف ورکرز سے ملاقات کی۔ انہوں نے عید کی چھٹیوں کے دوران بھی دن رات کام جاری رکھنے پر ورکرز کو شاباش دی۔
چیف سیکرٹری نے تعمیراتی کام پر پیشرفت کا جائزہ لیا۔انہوں نے ہدایت کی کہ پراجیکٹ کی جلد ازجلدتکمیل کو یقینی بنایا جائے اور ٹائم لائنز پر ہر صورت عمل کیا جائے۔ انہوں نے کہا کہ تعمیراتی کام کے دوران شہریوں کی سہولت کا خاص خیال رکھا جائے۔چیف سیکرٹری نے کہا کہ شاہدرہ چوک فلائی اوور منصوبے کی تکمیل سے یومیہ 3 لاکھ گاڑیوں کو آمدورفت میں سہولت ملے گی۔ انہوں نے کہا کہ منصوبے کی تکمیل سے شہر کے اہم داخلی و خارجی راستے پر ٹریفک کا دیرینہ مسئلہ حل ہو جائے گا۔
کمشنر لاہور ڈویژن محمد علی رندھاوا، ڈپٹی کمشنر رافعہ حیدر، چیف انجنیئر ایل ڈی اے، نیسپاک افسران اور کنٹریکٹرز بھی اس موقع پر موجود تھے۔منصوبے پر کام کرنے والی کنسٹرکشن کمپنی کے حکام نے چیف سیکرٹری کو بریفنگ دی۔ انہوں نے بتایا کہ شاہدرہ فلائی اوور پر تعمیراتی کام 24گھنٹے جاری ہے اورمنصوبے کے حوالے سے ٹائم لائنز پر عملدرآمد کیا جا رہا ہے۔
علاوہ ازیں چیف سیکرٹری پنجاب نے جمعرات کے روز شیخوپورہ میں ڈی ایچ کیو ہسپتال اور دارالامان کا دورہ کیا اور صفائی اور دیگر انتظامات کا جائزہ لیا۔انہوں نے ہسپتال کے عملہ سے مفت ادویات کی دستیابی اورطبی سہولیات کی فراہمی بارے دریافت کیا۔ چیف سیکرٹری نے ہسپتال میں زیر علاج مریضوں کی عیادت بھی کی۔ انہوں نے کہا کہ ہسپتال کیلئے ادویات کے بجٹ میں اضافہ، عملہ کی کمی کو پورا کیا جائے گا، سرکاری ہسپتالوں میں علاج معالجے کی بہترین سہولیات کی فراہمی ترجیحات میں شامل ہے۔
خواجہ سرا بھی اب سکول جائیں گے، مراد راس
خواجہ سرا کے ساتھ ڈکیتی، مزاحمت پر بال کاٹ دیئے گئے
پشاور پولیس کا رویہ… خواجہ سرا پشاور چھوڑنے لگے
