بلوچستان: مستونگ کے علاقے روشی میں سی ٹی ڈی کی کاروائی ،9مبینہ دہشت گردوں کو ہلاک کر دیا۔
باغی ٹی وی : تفصیلات کے مطابق بلوچستان کے شہر مستونگ میں سی ٹی ڈی نے دہشت گرد اور شر پسند عناصر کے خلاف بڑی کارروائی کی۔ سی ٹی ڈی ترجمان نے دعویٰ کیا ہے کہ آپریشن کے دوران فائرنگ کے تبادلے میں 9 مبینہ ملزمان ہلاک ہو گئے ہیں۔
ترجمان سی ٹی ڈی کے مطابق کالعدم تنظیم کے زیر استعمال کیمپ سے اسلحہ وگولہ بارود برآمد ہوا۔ کیمپ دہشت گردی کی حالیہ مختلف کارروائیوں میں استعمال ہوا۔
ترجمان سی ٹی ڈی کے مطابق برآمد شدہ اسلحہ میں 9 کلاشنکوف،بیس کلو گرام دھماکہ خیز مواد، پرائما کارڈ، ڈیٹونیٹر اور آر پی جی راکٹ بمعہ دو گولے شامل ہیں۔
