امریکی پابندیاں ختم کی جائیں، کیوبا نے کینیڈا سے مدد مانگ لی

ہوانا (اے پی پی) کیوبا نے وینز ویلا پرعائد امریکی پابندیاں ختم کرنے کےلئے کینیڈا سے مدد مانگ لی.

تفصیلات کے مطابق کیوبا کے وزیر خارجہ برونو روڈریگیز نے کہا ہے کہ کینیڈا وینزویلا پر امریکی پابندیاں ختم کرنے کے لئے مدد دے۔ انہوں نے یہ مطالبہ کینیڈا کی اپنی ہم منصب کریسٹیا فری لینڈ سے ملاقات کے دوران کیا، امریکا نے راوں سال مئی میں وینز ویلا پرسیاسی پابندیاں عائد کردی تھیں۔ کیوبا، وینز ویلا کے صدرنکولس کا مضبوط اتحادی ہے، جس کا کہنا ہے کہ پابندیوں کا مقصد وینز ویلا کے صدر پر دباﺅ بڑھانا ہے جس سے معیشت کو بھی نقصان پہنچا اور مہنگائی، خوراک کی کمی سے بھوک اور غربت میں اضافہ ہوا. بیماریوں سے لاکھوں افراد متاثر ہوئے۔

کنیڈین وزیر خارجہ سے کیوبا کے وزیر خارجہ کی ملاقات کے بعد کنیڈا کی وزارت خارجہ کے بیان میں بتایا گیا ہے کہ دونوں وزرائے خارجہ نے آپس میں رابطے میں رہنے اور وینزویلا کے معاملہ پر تبادلہ خیال جاری رکھنے پر اتفاق کیا ہے.