سعد فاروق
وزیر خارجہ اسحٰق ڈار رواں ہفتے افغانستان کا ایک روزہ دورہ کریں گے
باغی ٹی وی کے مطابق نمائندہ خصوصی برائے افغانستان صادق خان کی کوشیش رنگ لانے لگی۔اس ھوالے سے سفارتی ذرائع نے بتایا ہے کہ وزیر خارجہ اسحٰق ڈار رواں ہفتے کابل کا دورہ کریں گے جہاں وہ افغان ہم منصب سے باقاعدہ مذاکرات کریں گے۔ نائب وزیراعظم افغان قیادت سے بھی ملاقاتیں کریں گے، اہم دورے کے دوران سرحد پار دہشت گردی، سرحدی مسائل، مہاجرین کی باعزت واپسی، تاپی گیس پائپ لائن سمیت مختلف دیگر امور پر گفتگو ہوگی۔یاد رہے کہ وزیر خارجہ کا منصب سنبھالنے کے بعد اسحٰق ڈار کا یہ پہلا دورہ افغانستان ہوگا۔
ذرائع کا کہنا تھا کہ خصوصی طور پر افغانستان میں دہشت گردوں کی پناہ گاہوں اور امریکی اسلحے کے استعمال کا معاملہ اٹھایا جائے گا۔دوسری جانب وزیر خارجہ اسحٰق ڈار سے افغانستان کے قائم مقام وزیر برائے کامرس حاجی نور الدین عزیزی نے اسلام آباد میں ملاقات کی۔ترجمان دفتر خارجہ کے مطابق دونوں جانب سے تجارت اور علاقائی روابط میں تعاون کے فروغ کا اعادہ کیا گیا جب کہ ملاقات کے دوران دونوں ہمسایہ ممالک کے درمیان اعلیٰ سطح کے سیاسی روابط کی اہمیت پر اتفاق ہوا۔
اداکارہ نادیہ حسین نےایف آئی اے کے سامنے پیسوں کا اعتراف کرلیا
گڈز ٹرانسپورٹرز کی ہڑتال ، بندرگاہوں پر ہزاروں کی تعداد میں کنٹینرز رک گئے
اسرائیلی مصنوعات کے بائیکاٹ کی مہم کو منظم کریں گے، حافظ نعیم
