ملزم عمران خان پیش ہو کر حاضری لگا دیں گے، دلائل کا آغاز کریں،عدالت کی وکیل کو ہدایت

ملزم عمران خان پیش ہو کر حاضری لگا دیں گے، دلائل کا آغاز کریں،عدالت کی وکیل کو ہدایت

بینکنگ کورٹ اسلام آباد،فارن ایکسچینج ایکٹ کے تحت درج ممنوعہ فنڈنگ کیس کی سماعت ہوئی

عمران خان کے وکیل سلمان صفدربینکنگ کورٹ اسلام آباد میں پیش ہوئے،عدالت نے ریمارکس دیتے ہوئے کہا کہ ملزم کی حاضری پیش ہونے پر لگا لیں گے آپ دلائل کا آغاز کریں ،وکیل سلمان صفدرنے کہا کہ مجھے کچھ ٹائم درکار ہے کیس کا ریکارڈ لے کر آؤں، عمران خان کے وکیل نے ایک گھنٹے کا وقت مانگ لیا

جج رخشندہ شاہین نے وکیل سے مکالمہ کرتے ہوئے کہا کہ آپ دلائل کا آغاز کریں ،پراسیکیوٹر نے کہا کہ کیا عدالت نے بھی کبھی کسی ملزم کا انتظار کیا ہے؟ وکیل نے کہا کہ عمران خان کو عدالت سے 8 بار حاضری سے استثنیٰ ملا،عمران خان ابھی پہنچے نہیں، کچھ ہی دیر میں عدالت پہنچ جائیں گے،عمران خان کی جانب سے عدالت کے مناسب موقع دینے کو سراہتا ہوںعمران خان کی میڈیکل رپورٹ پر ہر سماعت میں اعتراض اٹھایا جاتا رہا، عمران خان کی میڈیکل رپورٹس پر سوالات اٹھائے گئے، عمران خان کی عمر 71 برس ہے اس عمر میں ریکوری کا پروسس سست ہوتا ہے الزام لگایا گیا کہ عمران خان اپنے پرائیویٹ اسپتال کی رپورٹ پیش کرتے ہیں،شوکت خانم عمران خان کا اسپتال نہیں ہے، انہوں نے کئی سال پہلے وہ بنایا تھا،