ایکسپریس وے پرخطرناک حادثہ:بہت زیادہ جانی نقصان

آگرہ: ایکسپریس وے پرخطرناک حادثہ:بہت زیادہ جانی نقصان،اطلاعات کے مطابق ایکسپریس وے پر ایک بھیانک سڑک حادثے میں7 لوگوں کی زندہ جل کر موت ہو گئی۔ اطلاعات کے مطابق، کار ٹرک سے ٹکرا گئی۔ اس کے بعد کار جلنے لگی۔ اس حادثے میں کار میں سوار سبھی 7لوگوں کی موت ہو گئی۔ابھی ہلاک شدگان کی شناخت نہیں ہو پائی ہے۔
اسی روڈ پرمنگل کے روز بھی حادثہ ہوا تھاجس میں 5 افراد ہلاک ہوگئے تھے

اطلاعات کے مطابق کار دہلی جارہی تھی ، ادھر پولیس کار کے نمبر سے ہلک شدگان کی شناخت کرنے میں مصروف ہے۔ اب تک ملی اطلاعات کے مطابق کار لکھنو کے کسی راج کمار نے نام رجسٹرڈ ہے۔

تصادم کے بعد کار کا فیول ٹینک پھٹ گیا اور اس میں آگ لگ گئی۔ حادثے کی اطلاع ملنے کے بعد جائے حادثہ پر پہنچی پولیس نے آگ پر قابو پانے کی کوشش کی ۔ اسی اثناءمیں فائر بریگیڈ کی ٹیم بھی پہنچ گئی لیکن جب تک آگ پر قابو پایا جاتا کار میں سوار سبھی 7 لو گ زندہ جل کر ہلاک ہو چکے تھے۔ کار لکھنؤ نمبر کی ہے۔ کار مالک سے رابطہ کر کے ہلاک شدگان کی شناخت کی جا رہی ہے۔

ہلاک شدگان میں ایک بچہ ایک خاتون اور تین مرد ہیں۔ اتر پردیش کے وزیر اعلیٰ یوگی آدتیہ ناتھ نے اس بھیانک سڑک حادثے پر گہرا دکھ ظاہر کیا ۔ انہوں نے ڈی ایم اور ایس ایس پی کو جائے حادثہ پر پہنچنے اور متاثرہ کنبے کی ہر ممکن مدد کرنے کی ہدایت دی