ڈرامے بازی تو پیپلزپارٹی کی بنیاد سے ہی جاری ہے،خرم شیر زمان

پاکستان تحریک انصاف کے رکن سندھ اسمبلی خرم شیر زمان نے نکتہ چینی کا نشانہ بناتے ہوئے کہا ہے کہ جعلی چیئرمین نوٹس پھاڑنے کے بجائے اپنا منشور پھاڑ کر پھینک دیں۔پی ٹی آئی سندھ کے رہنما نے کہا ہے کہ ڈرامے بازی تو پیپلزپارٹی کی بنیاد سے ہی جاری ہے۔انہوں نے الزام عائد کیا کہ سندھ کی عوام کو کتے کھائیں یا وہ ایڈز سے مرجائیں ، ڈرامے بازیاں ختم ہونے کا نام نہیں لیتی ہیں۔پاکستان تحریک انصاف کے رہنما خرم شیر زمان نے پی پی کی سی ای سی کے اراکین کو سخت تنقید کا نشانہ بناتے ہوئے کہا کہ سامنے تالیاں بجانے والے غلام انہیں تھوڑی شرم بھی دلادیں۔
چیئرمین پی پی کے حوالے سے خبر آئی تھی کے کچھ دیر قبل پارٹی کی سی ای سی کے اجلاس میں بلاول بھٹو زرداری نے شاہد خاقان عباسی کی جانب سے بھیجا جانے والا شوکاز نوٹس پھاڑ کر پھینک دیا ہے۔