دبئی :36 سالہ بھارتی مزاحیہ اداکارمنجوناتھ نا ئیڈوبراہ راست پرفارمنس کے دوران حرکت قلب بند ہو جانے کے باعث جہان فانی سے کوچ کرگئے جبکہ شائقین اداکار کے دم نکلنے کو اسکرپٹ کا حصہ سمجھتے رہے-
عرب میڈیا کے مطابق بھارتی مزاحیہ اداکار منجوناتھ نائیڈو کئی برس سے دبئی میں مقیم تھے اور مزاحیہ کردار باعث کافی شہرت رکھتے تھے براہ راست پروگرام کے دوران حرکت قلب بند ہونے باعث اسٹیج پر گر کردم توڑ گئے-
منجو ناتھ نائیڈوکی پرفارمنس آخری حصے میں تھی اپنی پرفارمنس کے دوران اچانک اسٹیج پر رکھی بینچ پر بیٹھ گئے اور پھر فوراََ اسٹیج پر اوندھے منہ گر گئے،سانسیس اکھڑرہی تھیں اور پھر جسم بے حرکت ہوگیا،اس سارے عمل کو شا ئقین اسکرپٹ کا حصہ سمجھتے رہے اور تالیاں بجا کر اداکاری کی داد دیتے رہے-
