دیپکا ککڑ نے شوبز چھوڑنے کا اعلان کر دیا

بھارتی ٹی وی اداکارہ دیپیکا ککٹر نے شوبز چھوڑنے کا اعلان کر دیا ہے ، انہوں نے کہا کہ شادی کے بعد میری ترجیحات تبدیل ہو گئی ہیں اور میں اب اپنے شوہر اور آنے والے بچے کے ساتھ خوش ہوں، میں گھر داری کررہی ہوں، میں‌ نے نہایت چھوٹی عمر میں کام شروع کیا اور چھوٹی سی عمر میں کافی شہرت حاصل کی. اداکارہ نے کہا کہ میرے شوہر جو کہ میرے کو سٹار بھی رہ چکے ہیں کئی ڈراموں میں انہوں نے مجھے شادی کی آفر کی ہم نے 2018 میں شادی کر لی اور اس کے بعد میں نے اسلام قبول کرلیا، میں اسلام قبول کرنے کے ساتھ اپنی ذاتی زندگی سے نہایت ہی خوش ہوں، جتنا کام کرنا تھا کر لیا، مجھے شوبز چھوڑنے کا کوئی پچھتاوا نہیں ہے. انہوں نے کہا کہ

شعیب ابراہیم ایک بہت ہی اچھے شوہر ہیں ، لوگ ان کو ایک اچھے سٹار کے طور پر جانتے ہیں لیکن میں ان کو بطور انسان اور شوہر جانتی ہوں وہ ہر لحاظ سے آئیڈیل ہیں ، میرا بہت خیال رکھتے ہیں اور اپنے گھر کے لئے بہت تگ و دو کررہے ہیں. میں نے نہیں سوچا تھا کہ شادی کے بعد میری زندگی یکسر بدل جائیگی اور ترجیحات بھی یکسر تبدیل ہوجائیں گی.