گوجرانوالہ:پنجاب اسمبلی میں ڈیفی میشن بل دھوکے سے کیا گیا ہے جسے صحافی برادری مسترد کرتی ہے ، ملک توصیف

ایک صوبہ میں ڈیفی میشن جیسے کالے قوانین کی منظوری میڈیا کو گونگا اور بہرہ کرنے کے مترادف ہے

گوجرانوالہ ،باغی ٹی وی (نامہ نگار محمدرمضان نوشاہی)پی ایف یو جے ورکرز کے رہنما ملک توصیف احمد نے اپنے ایک بیان میں کہا کہ پنجاب اسمبلی میں ڈیفی میشن بل دھوکے سے کیا گیا ہے جسے صحافی برادری مسترد کرتی ہے اسی سلسلہ میں آج بروز منگل 21 مئی کو گوجرانوالہ پریس کلب میں سیاہ پرچم لہرایا جائے گا

صحافی برادری سے شام 5 بجے پریس کلب میں پہنچنے کی اپیل کی جاتی ہے ،ملک توصیف کا کہنا تھا کہ ایک خاتون سیاستدان پاکستان میں صحافتی قدغنیں دیکھ کر ٹویٹر پر دن رات اظہار خیال کرتی تھیں کیونکہ وہ سمجھتی تھیں کہ پاکستان میں میڈیا آزاد نہیں ہے مگر آج پاکستان میں میڈیا کو ظالمانہ قوانین سے جکڑا جا رہا ہے اپیل تک کا حق چھین لیا گیا ہے ۔

ملک توصیف کا یہ بھی کہنا تھا کہ پاکستان میں میڈیا کی آزادی پر پہلے ہی سوالیہ نشان تھا جس کی زندہ مثال میاں محمد نواز شریف اپنا موقف دینے کے لئے عالمی میڈیا کا سہارا لیتے رہے ہیں اور انہوں نے ہمیشہ پاکستان کے میڈیا ہاؤسز سے شکایت کی ہے

آج جیل میں قید عمران خان بھی اپنے اظہار خیال کے لئے بین الاقوامی میڈیا پر اپنے کالم شائع کرواتے ہیں جس ملک میں پہلے ہی میڈیا کو ہاتھ پاوں باندھ کر رکھا ہوا ہے اس ملک کے ایک صوبہ میں ڈیفی میشن جیسے کالے قوانین کی منظوری میڈیا کو گونگا اور بہرہ کرنے کے مترادف ہے

تمام صحافتی تنظیمیں اس بل کو مسترد کرتے ہیں پنجاب حکومت اس ظالمانہ بل کو واپس لے ۔

Leave a reply