ڈیفنس پولیس کی کاروائی، گھریلو ملازمین گرفتار

لاہور(باغی ٹی وی )ایس پی کینٹ انویسٹی گیشن ڈاکٹر انوش مسعود چوہدری کی سربراہی میں ڈیفنس اے پولیس کی کارروائی تفصیلات کے مطابق
مالک کے گھر میں چوری کی واردات کرنے والے گھریلومیاں بیوی ملازمین یوسف اور فاخرہ گرفتار کر لیے گئے ، گرفتارملزم یوسف اور اس کی بیوی ملزمہ فاخرہ عرصہ 11 ماہ سے شہری کے گھر میں کام کر رہے تھے۔

گرفتارملزمان اپنے مالک کے گھر سے 10 لاکھ روپے نقدی اور طلائی زیورات چرا کر فرار ہو گئے تھے،گرفتارملزمان سے چوری شدہ رقم اور طلائی زیورات برآمد کر لیے گئے ،انچارج انویسٹی گیشن ڈیفنس اے جاوید حسین نے پولیس ٹیم کے ہمراہ کارروائی کرتے ہوئے ملزمان کو گرفتار کیا۔ایس ایس پی انویسٹی گیشن لاہور کی طرف سے ملزمان کی گرفتاری پر پولیس ٹیم کو شاباش دی گئی