چیئرمین سینیٹ کی قیادت میں وفد کی نجف اشرف اور کربلا معلی میں حاضری

چیئرمین سینیٹ محمد صادق سنجرانی کی قیادت میں وفد نے نجف اشرف اور کربلا معلی میں امیرالمومنین حضرت علی کرم اللہ وجہہ اور سید الشہدا حضرت امام حسینؓ کے روضہائے اطہر کی زیارت کا شرف حاصل کیا۔

وفد نے سب سے پہلے نجف اشرف میں امیرالمومنین حضرت علی کرم اللہ وجہہ کے روضہ اطہر پر حاضری دی اور زیارت کا شرف حاصل کیا۔ بعد ازاں وفد نے کربلائے معلی میں سید الشہدا حضرت امام حسینؓ اور حضرت عباس رضی اللہ تعالی عنہ کے روضہ پاک کی زیارت کا شرف بھی حاصل کیا اور اہلبیت عصمت و طہارت تئیں اپنی عقیدت و محبت کا اظہار کیا۔ اس موقع پر چیئرمین سینیٹ محمد صادق سنجرانی نے پاکستان کی ترقی، خوشحالی اور امن کیلئے دعا کی۔ چیئرمین سینیٹ محمد صادق سنجرانی نے امام اعظم ابوحنیفہ رحمتہ اللہ علیہ کے مزار پر بھی حاضری دی۔

قبل ازیں چیئرمین سینیٹ نے عراقی فقہ اکیڈمی کا دورہ بھی کیا۔ اکیڈمی پہنچنے پر اکیڈمی کے سربراہ ڈاکٹر احمد حسن الطہٰ نے وفد کا استقبال کیا۔ ملاقات میں دونوں ملکوں کے اسکالرز، مفکرین اور ماہرین کے درمیان روابط بڑھانے پر زور دیا گیا۔

رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
لیپ ٹاپ گم ہونے پر گاہک نےغصے میں اپنی کار ہوٹل پر دے ماری
نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ