fbpx

لیپ ٹاپ گم ہونے پر گاہک نےغصے میں اپنی کار ہوٹل پر دے ماری

لیپ ٹاپ گم ہونے پر گاہک نےغصے میں اپنی کار ہوٹل پر دے ماری

ایک مشتعل گاہک نے اپنا لیپ ٹاپ ہوٹل سے گم ہونے پر شنگھائی کے ایک ہوٹل پراپنی گاڑی چڑھا دی۔ کار کو ہوٹل سے ٹکرانے سے قبل گاہک اور ہوٹل کے ملازمین کے درمیان بحث و تکرار کرتے دیکھا جا سکتا ہے۔ گاہک ہوٹل سے اپنے لیپ ٹاپ کے گم ہونے پر ملامین سے بحث کر رہا تھا۔ بعد میں اس نے اپنی کاری ہوٹل کے داخلی دروازے پر ٹکرا دی تاہم کسی جانی نقصان کی اطلاع نہیں۔


سوشل میڈیا پر گردش کرنے والے ویڈیو کلپس میں ایک سفید کار کو دکھایا گیا ہے جس کا ڈرائیور لابی میں داخل ہونے سے پہلے شنگھائی کے "سنٹرل ہوٹل” کے داخلی دروازے کو توڑنے کی کوشش کر رہا تھا۔ ویڈیوز میں کئی صارفین کو یہ کہتے ہوئے سنا جا سکتا ہے کہ "پاگل ہوگیا ہے!”۔اس کے بعد ڈرائیور اپنے سامنے سب کچھ تباہ کر دیتا ہے۔ ہوٹل سے باہر نکلنے والے ایک اور مقام پر گاڑی رکی۔

وہاں موجود لوگوں میں سے کچھ نے چیخ کر کہا کہ "کیا آپ کو احساس ہے کہ آپ نے ابھی کیا کیا؟” جبکہ دیگر لوگ ڈرائیور کو گاڑی سے باہر نکالنے کی کوشش کر رہے تھے۔ پولیس نے وضاحت کی کہ ڈرائیور کی عمر 28 سال ہے۔ کہا جاتا ہے کہ ہوٹل میں قیام کے دوران اس کا لیپ ٹاپ کمپیوٹر کھو جانے کے بعد اس نے ہوٹل کے عملے سے بحث کی۔ ہوٹل کے عملے نے تصدیق کی کہ کمپیوٹر چوری ہوا اور پھر ہوٹل کے باہر سے مل گیا۔ پولیس نے سماجی رابطے کی ویب سائٹ ویبو پر کہا گیا ہےکہ اس واقعے میں کوئی زخمی نہیں ہوا۔ ڈرائیور کو گرفتار کر لیا گیا ہے اور اس سے تفتیش جاری ہے۔