ڈیموکریسی رپورٹنگ انٹرنیشنل کے کنٹری ہیڈ نے اسپیکر پنجاب اسمبلی کے اقدام کو تاریخی قرار دیدیا

سپیکر پنجاب اسمبلی چودھری پرویزالٰہی اورصوبائی وزیر قانون محمد بشارت راجہ سے ڈیموکریسی رپورٹنگ انٹرنیشنل کے کنٹری ہیڈ جاوید احمد ملک کی قیادت میں وفد کی ملاقات ،وفد میں قریش خان پراجیکٹ منیجر اور صوبائی کوآرڈی نیٹر سمعیہ یوسف شامل تھے ،ملاقات میں سیکرٹری پنجاب اسمبلی محمد خان بھٹی اور ڈی جی پارلیمانی امور عنایت اللہ لک بھی شریک ہوئے
سپیکر پنجاب اسمبلی نے ڈیموکریسی رپورٹنگ انٹرنیشنل کی کارکردگی کو سراہا۔

ملاقات میں کورونا کے بعد کی صورتحال پر صوبائی اسمبلی کے کام کو جاری رکھنے کے حوالے سے تبادلہ خیال کیا گیا۔ سپیکر چودھری پرویزالٰہی نے اسمبلی کے کردار کو مزید فعال بنانے کے عزم کا اظہار کیا
جاوید احمد ملک نے کہا کہ پنجاب اسمبلی کے رولز 1997ء میں ترامیم ایک تاریخی اقدام ہے جس کا سہرا سپیکر چودھری پرویزالٰہی کو جاتا ہے:

جاوید احمد ملک نے سپیکر پنجاب اسمبلی اور وزیر قانون کی صوبائی اسمبلی کی کمیٹیوں کو مضبوط اور فعال بنانے کی کاوشوں کی تعریف کی
ڈیموکریسی رپورٹنگ انٹرنیشنل کورونا کے بعد اسمبلی کو ریسرچ میں معاونت فراہم کرے گی