محکمہ لائیوسٹاک میں قبائلی علاقہ جات میں ڈپلومہ کورسز کا آغاز ۔

محکمہ لائیوسٹاک میں قبائلی علاقہ جات میں ڈپلومہ کورسز شروع کرنے بارے اہم اجلاس ہوا۔ اجلاس کی صدارت سیکرٹری لائیوسٹاک کیپٹن (ر)ثاقب ظفر نے کی
جس میں ڈپلومہ کورسز کے اجراءبارے مجوزہ ماڈل پر بریفنگ دی۔ پرنسپل لائیو سٹاک سروسز ٹریننگ سینٹر نے مجوزہ ماڈل پر بریفنگ دی۔
سیکرٹری لائیوسٹاک کا کہنا ہے کہ پیرا ویٹرنری سکول فاضل پور اور لیہ میں ڈپلومہ کورسز پر داخلے شروع کئے جائیں۔ ڈی جی خان اورلیہ جیسے پسماندہ علاقوں کیلئے یہ شارٹ ڈپلومہ کورسز انتہائی مفید ثابت ہوں گے ۔ ویٹرنری شعبہ میں درس و تدریس کیلئے ٹیوٹا اور نیوٹک کو بھی آن بورڈ کیا جائے۔ ان کورسز سے پسماندہ علاقوں کے افراد کو روزگار کے بہتر مواقع میسر آ ئیں گے۔ اجلاس میں ایڈیشنل سیکرٹری (ٹیکنیکل)، ڈائریکٹر جنرل پروڈکشن اور ڈائریکٹر ایکسٹینشن UVAS کی بھی شرکت۔