ڈیرہ غازی خان قرنطینہ میں خدمات سر انجام دینے والے کتنے ڈاکٹروں میں کرونا کی تشخیص ہو گئی؟

ڈیرہ غازی خان قرنطینہ میں خدمات سر انجام دینے والے کتنے ڈاکٹروں میں کرونا کی تشخیص ہو گئی؟

باغی ٹی وی کی رپورٹ کے مطابق کرونا وائرس کے مریضوں پر کام کرنے والے 2 ڈاکٹروں میں کرونا وائرس کی تشخیص ہوئی ہے

پنجاب کے علاقے ڈیرہ غازی خان میں 2ڈاکٹروں میں کورونا کی تصدیق ہوئی ہے،ترجمان پرائمری اینڈ سیکنڈری ہیلتھ کے مطابق یرہ غازی خان قرنطینہ میں کام کرنے والےڈاکٹراسامہ کورونا وائرس کا شکارہوگئے ہیں،آئیسولیشن وارڈ میں کام کرنے والی ڈاکٹر صبا میں بھی کورونا وائرس کی تصدیق ہو ئی ہے.

ترجمان کے مطابق دونوں ڈاکٹرز خطرے سے باہر ہیں، طبیعت زیادہ خراب نہیں، دونوں ڈاکٹروں کو اسپتال کے آئیسولیشن وارڈز میں رکھا گیا ہے،

قبل ازیں 3 روز قبل سندھ کے علاقے سکھر میں بھی ایک ڈاکٹر میں کرونا وائرس کی تشخیص ہوئی تھی،ڈاکٹر زین العابدین سکھر میں زائرین کے علاج پر مامور تھے کہ ٹیسٹ کروانے پر ان میں کرونا کی تشخیص ہوئی ہے اس سے قبل گلگت میں ایک ڈاکٹر کرونا وائرس کے مریضوں کے علاج کے دوران کرونا وائرس سے جان کی بازی ہار چکا ہے

واضح رہے کہ پنجاب میں کرونا وائرس سے 3 ہلاکتیں ہو چکی ہیں،وزیر اعلیٰ پنجاب عثمان بزدار نے ٹوئٹ میں بتایا کہ پنجاب میں 408 افراد میں کورونا وائرس کی تصدیق ہوچکی ہے۔ ان کا کہنا تھا کہ ڈیرہ غازی خان کے قرنطینہ میں 207، ملتان کے قرنطینہ میں 19، لاہور میں 103، گجرات میں 22، گوجرانوالہ میں 8، جہلم میں 19، راولپنڈی میں 14، ملتان ، فیصل آباد ، منڈی بہائوالدین میں3، 3، میانوالی میں 2 جبکہ نارووال، رحیم یار خان، سرگودھا، اٹک اور بہاولنگر میں ایک، ایک شخص میں کورونا وائرس کی تصدیق ہوئی ہے۔

پاکستان میں کرونا وائرس کے بڑھتے مریضوں کی وجہ سے احتیاطی تدابیر کے طور پر ملک میں کرفیو نافذ ہے، سندھ حکومت نے نماز جمعہ کے اجتماعات پر پابندی لگا دی ہے، نماز پنجگانہ میں بھی تین سے 5 افراد جماعت کے ساتھ نماز ادا کر سکتے ہیں،پنجاب میں کرفیو کا آج تیسرا روز ہے. سندھ میں کرفیو کا چوتھا روز ہے، بلوچستان حکومت نے بھی نماز جمعہ کے اجتماعات پر پابندی لگا دی ہے

برطانیہ میں کرونا سے مسلمان سب سے زیادہ متاثر، جنازوں کے اجتماع پر بھی پابندی

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

بھارت میں کرونا وائرس کے مریضوں میں اضافہ، کتنے مریض ہوئے صحتیاب

کرونا وائرس کا خدشہ، مساجد کو تالے لگ گئے، نمازیں گھر پر پڑھنے کا حکم

کورونا وائرس پر قابو پانے کیلئے ملک بھر میں لاک ڈاؤن جاری ہے، دکانیں اور مارکیٹیں آج بھی بند ہیں، پبلک ٹرانسپورٹ اور ٹرین آپریشن بھی معطل ہے، شہریوں کو گھروں سے نہ نکلنے کے حکم پر سختی سے عمل کرنے کی ہدایت کی گئی ہے