صدیوں کے فنکار کہلائے جانے والے دلیپ کمار کی بہن سعیدہ خان انتقال کر گئی ہیں وہ کافی عرصے سے بیمار تھیں۔ بھارتی میڈیا ذرائع کے مطابق سعیدہ خان کیلئے ایک دعائیہ تقریب محبوب اسٹوڈیو میں رکھی گئی ہے جس میں مختلف شخصیات شریک ہوں گی۔سعیدہ خان نے اقبال خان کے ساتھ شادی کی تھی جو کہ مشہور فلم پروڈیوسر محبوب خان کے فرزند تھے۔ذرائع کے مطابق دلیپ کمار کی بہن کافی عرصہ سے بیمار تھیں اور مسلسل ڈاکٹروں کے پاس وزٹ کے لئے ان کو لیجانا جاتا تھا ۔بیماری کے علاوہ ان کی عمر کے مسائل بھی تھے ۔
” سعیدہ خان اپنے شوہر کی موت کے بعد اپنے بچوں الہام اور ثاقب کے ساتھ رہ رہی تھیں”۔کہا جاتا ہے کہ دلیپ کمار اپنی بہن سے بہت محبت کرتے تھے ، دونوں کا پیار مثالی تھا۔ سیعدہ خان کے انتقال پر بالی وڈ کی اہم شخصیات نے شدید دکھ اور غم کا اظہار کیا ہے اور ان کی مغفرت کی دعا بھی کی ہے۔
