ڈالر کے مقابلے روپے کی قدر مسلسل بڑھنے لگی

ڈالر کے مقابلے روپے کی قدر مسلسل بڑھنے لگی

باغی ٹی وی : ڈالر کے مقابلے میں روپے کی قیمت بھڑھنے کا سفر جاری ہے، امریکی ڈالر اب تین ماہ کی نچلی ترین سطح پر آ گیا ہے۔

پاکستانی روپے کی بہتری ڈالر کے مقابلے جاری ہے اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں امریکی ڈالر مزید 13 پیسے سستا ہو گیا اور قیمت 158 روپے 89 سے کم ہو کر 158 روپے 76 پیسے ہو گئی ہے

ملک بھر میں معاشی اعشاریے کی مثبت خبریں، ریکارڈ ترسیلات زر کا موصول ہونا اور آئی ایم ایف کی طرف سے پاکستان کے قرض پروگرام کی بحالی کے بعد روپے کے تگڑے ہونے کا سلسلہ جاری ہے۔

واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی