ڈالر مزید سستا ہو گیا

وفاقی اور صوبائی حکومتوں کی جانب سے ڈالر کی اسمگلنگ اور ذخیرہ اندوزی کے خلاف کارروائیوں کے آغاز کے بعد سے پاکستانی روپے کی قدر میں بہتری کا سلسلہ جاری ہے اور انٹر بینک اور اوپن مارکیٹ میں پاکستانی روپے کے مقابلے میں امریکی ڈالر کی قدر میں کمی کا سلسلہ جاری ہے۔

جبکہ آج انٹر بینک میں امریکی ڈالر کا بھاؤ 1.45 روپے کم ہوا ہے، انٹر بینک میں ایک ڈالر 301 روپے 50 پیسے کا ہے، انٹر بینک میں امریکی ڈالر اپنی بلند ترین سطح سے 5 روپے 60 پیسے نیچے آیا ہے ہے جبکہ اوپن مارکیٹ میں بھی ڈالر 6 روپے سستا ہو کر 299 روپے کا ہو گیا تاہم بعدازاں 301 پر رک گیا.

Interbank closing #ExchangeRate for todayhttps://t.co/f5wvUJ0tOt#SBPExchangeRate pic.twitter.com/GXhow8RV8B

— SBP (@StateBank_Pak) September 11, 2023

تاہم اوپن مارکیٹ میں برطانوی پاؤنڈ 370 روپے جبکہ یورو 316 روپے کا ہے، سعودی ریال 79 روپے اور اماراتی درہم 82 روپے کا ہے، اور گزشتہ کاروباری ہفتے کے دوران بھی پاکستانی روپے کے مقابلے میں امریکی ڈالر کی قدر میں بڑی کمی دیکھی گئی تھی۔