روپے کے مقابلے ڈالر مسلسل گراوٹ کا شکار
باغی ٹی وی :مارکیٹ میں ڈالر کی گراوٹ مسلسل جاری ہے، آج امریکی کرنسی کے ریٹ میں 41 پیسے کی کمی دیکھنے میں آئی۔
کاروباری ہفتے کے آخری روز انٹر بینک میں ڈالر 41 پیسے کمی کے بعد 163روپے 25 پیسے پر ٹریڈ ہوا، گزشتہ تین دن کے دوران ڈالر ایک روپے 64 پیسے سستا ہو چکا ہے جس کے سبب بیرونی قرضوں کے بوجھ میں 180 ارب روپے کی کمی ہوئی ہے۔
خیال رہے کہ گذشتہ روز انٹر بینک میں روپے کے مقابلے امریکی ڈالر 66 پیسے سستا ہوا جس کے بعد 163.66 کے ریٹ پربند ہوا تھا.
واضحرہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی
