باغی ٹی وی :انٹر بینک مارکیٹ میں ڈالر کی قیمت میں ایک مرتبہ پھر اضافہ ہو گیاہے اور ڈالر کی قدر 160 روپے سے تجاوز کر گئی ہے ۔
تفصیلات کے مطابق انٹر بینک مارکیٹ میں ڈالر کی قیمت میں آج صبح کمی ہوئی تھی لیکن یہ زیادہ دیر برقرار نہ رہ سکی اور ڈالر نے پھر اونچی اڑان شروع کر دی ، انٹر بینک میں ڈالر ایک روپیہ مہنگا ہونے کے بعد 160 روپے 90 پیسے پر ٹریڈ کر رہاہے ۔ گزشتہ دو روز میں ڈالر کی قیمت پاکستانی روپے کے مقابلے میں سوا تین روپے بڑھ چکی ہے ۔
واضح رہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی
