ڈالر یک دم مہنگا ہوگیا
ڈالر یک دم مہنگا ہوگیا
باغی ٹی وی :انٹر بینک مارکیٹ میں کاروبار کے دوران آج یک دم ڈالر کی قیمت میں ایک روپیہ 24 پیسے اضافہ ہو گیاہے جس کے بعد ڈالر 159 روپے 55 پیسے پر ٹریڈ کر رہاہے ، اتنا زیادہ اضافہ کئی مہینوں کے بعد یک دم دیکھنے میں آ یاہے جس نے ہر کسی کر پریشانی میں مبتلا کر دیاہے ۔
دوسری جانب سٹاک مارکیٹ میں آج کاروبار کے دوران مندی دیکھنے میں آ رہی ہے ، کاروبار کے آغاز پر 100 انڈیکس 40 ہزار 652 پوائنٹس پر تھا تاہم دیکھتے ہی دیکھتے اس میں مندی کا رجحان پیدا ہو گیا اور اس وقت انڈیکس 246 پوائنٹس کمی کے ساتھ 40 ہزار 405 پوائنٹس پر آ گیاہے ۔
واضح رہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی