ڈی پی او سرگودہا حرکت میں آ گئے

سرگودھا: ڈسٹرکٹ پولیس آفیسر حسن مشتاق سکھیرا کی ہدایت پر سماج دشمن عناصر سے نمٹنے کے لیے ضلع کے مختلف علاقوں میں سرچ آپریشن جاری ہیں۔ اس سلسلہ میں ڈی ایس پی سٹی خالد حسین تارڑ اور ڈی ایس پی ساہیوال خالد محمود انو ر کی نگرانی میں تھانہ کینٹ کے علاقہ طارق آباد اور تھانہ ساہیوال کے علاقہ بگا بلوچاں میں سرچ آپریشن کیا گیا۔ سرچ آپریشن میں ایس ایچ او تھانہ کینٹ انسپکٹر فضل قادر، ایس ایچ او تھانہ ساجد شہید انسپکٹر محمد اکرم، ایس ایچ او ساہیوال، ایلیٹ فورس، سیکیورٹی برانچ، سول ڈیفنس اور حساس اداروں نے حصہ لیا۔ دوران سرچ آپریشن 50سے زائد مکانات، دوکانات کی تلاشی لی گئی جبکہ100سے زائد افراد کے کوائف کی تصدیق بذریعہ بائیو میٹرک مشین کروائی گئی۔