ڈی پی او ٹو بہ رانا عمر فاروق کا ڈپٹی کمشنر کے ہمراہ علی الصبح سبزی منڈی ٹوبہ کا وزٹ

ڈسٹرکٹ پولیس آفیسر ٹوبہ ٹیک سنگھ رانا عمر فاروق نے ڈپٹی کمشنرعمر جاوید کے ہمراہ پھلوں اور سبزیوں کی نیلامیوں کے عمل کا جائرہ لینے کے لیے علی الصبح سبزی منڈی ٹوبہ کا دورہ کیا۔ڈی پی او رانا عمر فاروق اور ڈی سی ٹوبہ نے سبزی منڈی کے مختلف شیڈزمیں جا کر ریٹ لسٹیں چیک کیں اور خریداروں سے ریٹ معلوم کیے اس کے ساتھ ساتھ سبزیوں اور پھلوں کی دستیابی اور ان کے تھوک کے حساب سے فروخت کے لیے دیجانے والی بولیوں کا جائزہ لیا ڈی پی او ٹوبہ اور ڈپٹی کمشنر ٹوبہ نے آلو اور پیاز کی دی جانے والی بولیوں کو چیک کیا تا کہ خریدار کو پوری قیمت میں اشیاء کی فراہمی کو یقینی بنایا جائے۔

ڈی پی او ٹوبہ اور ڈپٹی کمشنر نے سبزی منڈی کے آڑھتیوں سے ملاقات بھی کی اور کہا کہ سبزیوں و پھلوں کی قیمتوں سے بلاجواز نہ بڑھنے دیں انہوں نے مارکیٹ کمیٹی کے افسران سے کہاکہ وہ سبزیوں و پھلوں کی سپلائی پر گہری نظر رکھیں اور کسی شے کی قلت کی صورت میں سپلائی کے فوری اقدامات کئے جائیں تاکہ گورنمنٹ کی پالیسی کے مطابق قیمتیں کنٹرول میں ہوں اور قیمتیں بڑھنے کا اندیشہ نہ ہو تا کہ رمضان بازاروں کو بھی سستی اور معیاری سبزیاں اور فروٹ مہیا ہو سکے۔اس موقع پر پرائس مجسٹریٹ زاہدشریف ای اے ڈی اے،پی آر او محمد عطا ء اللہ اور مارکیٹ کمیٹی کا عملہ بھی ان کے ہمراہ تھے۔