تعلیمی اداروں میں منشیات سپلائی کرنیوالے ڈیلرگرفتار

لاہور:تعلیمی اداروں میں منشیات سپلائی کرنیوالے ڈیلرگرفتار، اطلاعات کےمطابق نشتر کالونی پولیس نے کارروائی کر کے تعلیمی اداروں میں منشیات سپلائی کرنے والے 2ملزمان کو گرفتار کرلیا، ملزمان کے قبضے سے بھاری مقدار میں منشیات بھی برآمد کی گئی۔

چین دنیا کوپیچھےچھوڑگیا ،30منزلہ ہوٹل 2ہفتوں میں تعمیرکردیا

پولیس کے مطابق انہیں اطلاع ملی کے نشتر کالونی کے علاقے میں تعلیمی اداروں اور گردونواح میں منشیات بیچنے کا کاروبار کیا جارہا ہے۔جس پر پولیس نے مخبر کی نشاندہی پر دو ملزمان کو گرفتار کرلیا۔ تلاشی کے دوران ملزم عابد عرف ڈون اور نوید کے قبضے سے 2 کلو سے زائد چرس برآمد کی گئی۔

وزیراعظم کرپشن کے بعد طلباء تنظیموں کے پیچھے پڑگئے ہیں، محمد عامرناظم اسلامی جمیعت…

پولیس کا کہنا تھا کہ دونوں ملزمان نے دوران تفتیش اعتراف کیا ہے کہ وہ تعلیمی اداروں سمیت شہر بھر میں منشیات بیچنے کا کاروبار کرتے تھے۔ جس پر پولیس نے دونوں ملزمان کو حراست میں لے کر نشتر کالونی تھانے میں منشیات فروشی کے تحت مقدمہ درج کرلیا ہے جبکہ مزید کارروائی کی جارہی ہے۔

کیا کمایا اورکہاں لگایا،حساب کتاب کا وقت آگیا