دبئی ایکسپو:دنیا بھرکی اہم شخصیت کی شرکت،مگرمہمان خصوصی ہوں گے پاکستان کے کپتان

اسلام آباد : دبئی ایکسپو:دنیا بھرکی اہم شخصیت کی شرکت،مگرمہمان خصوصی ہوں گے پاکستان کے کپتان ،اطلاعات کے مطابق 9 اکتوبر کو دبئی ایکسپومیں شرکت کےلیے دنیا بھر کی اہم شخصیات شرکت کررہی ہیں مگراس اہم ایکسپو کے مہمان خصوصی ہوں گے وزیراعظم پاکستان جو کہ وہاں مرکزی خطاب بھی کریں گے

تفصیلات کے مطابق وزیر اعظم عمران خان دبئی ایکسپو 2020 میں شرکت کریں گے ،ذرائع کا کہنا ہے کہ عمران خان 9 اکتوبر کو دبئی ایکسپومیں شریک اور خطاب کریں گے اور ایکسپو کی سائیڈ لائنز پر سرمایہ کاروں اور پاکستانی کمیونٹی سے ملاقاتیں بھی کریں گے۔

دوسری طرف پاکستانی حکام نے اس بات کی تصدیق کی ہے کہ دبئی میں بین الاقوامی ایکسپو کے اس موقع پر وفاقی وزرا، معاونین اور مشیر بھی وزیر اعظم عمران خان کے ہمراہ ہوں گے۔

یاد رہے دو روز قبل وزیراعظم عمران خان کا ابوظبی کےولی عہدمحمدبن زید سے ٹیلی فونک رابطہ ہوا تھا جس میں افغانستان کی صورتحال،علاقائی پیشرفت پرتبادلہ خیال کیا گیا اور دونوں رہنماؤں کےدرمیان باہمی دلچسپی ،دوطرفہ تعاون امور پر بات چیت ہوئی۔

وزیراعظم نےدبئی ایکسپو 2020کیلئے بہترین انتظامات پر ولی عہد ک ومبارکباد پیش کرتے ہوئے میگا ایونٹ کی شاندار کامیابی کیلئے نیک خواہشات کا اظہار کیا تھا۔

رابطے میں وزیراعظم عمران خان اور ولی عہد نے مشترکہ مفاد کے تمام شعبوں میں تعاون بڑھانے پر اتفاق کیا گیا تھا۔

یہ بھی یاد رہےکہ وزیراعظم عمران خان لاہور کے پرانے ایئرپورٹ کوعالمی معیارکا بہت بڑا ٹریڈ سینٹربنانا چاہتے ہیں جس میں سرمایہ کاری کے لیے ابوظہبی ، قطر اورسعودی عرب نے خواہش کا اظہار کیا ہے اوریہ بھی اطلاعات ہیں کہ وزیراعظم اس اہم دورے پرپاکستان میں سرمایہ کاری کے حوالےسے بھی گفتگو کریں گے