دنیا بھر میں کورونا وائرس سے ہلاکتوں کی تعداد میں تشویشناک حد تک اضافہ

دنیا بھر میں کورونا وائرس سے ہلاکتوں کی تعداد میں تشویشناک حد تک اضافہ

باغی ٹی وی :دنیا بھر میں کورونا وائرس سے ہلاکتوں کی تعداد 2 لاکھ 44 ہزار 778 ہو گئی۔ برطانیہ میں مزید 621 افراد ہلاک ہو گئے، اٹلی میں 474، برازیل میں 340، کینیڈا میں 175، فرانس میں مزید 166 لوگ لقمہ اجل بن گئے، روس میں متاثرین کی تعداد میں ریکارڈ اضافہ ہوا۔

امریکہ میں کورنا وائرس سے مزید ایک ہزار 691 افراد موت کے منہ میں چلے گئے جس کے بعد امریکہ میں اموات کی تعداد 67 ہزار 400 سے تجاوز کر گئی ہے۔

امریکہ میں متاثرہ افراد کی تعداد 11 لاکھ 60 ہزار سے زائد ہو گئی ہے جبکہ صحتیاب ہونے والوں کی تعداد ایک لاکھ 73 ہزار 7 سو سے زائد ہو گئی۔
اسپین میں بھی گزشتہ 24 گھنٹے کے دوران مزید 276 افراد کی اموات کے بعد اب تک ہلاک ہونے والے افراد کی تعداد 25 ہزار 100 ہوگئی اور متاثرہ افراد کی تعداد 2 لاکھ 45 ہزار سے بڑھ گئی ہے۔

اٹلی میں کورونا وائرس نے مزید 474 افراد کی جان لے لی جہاں اب تک ہونے والی اموات 28 ہزار 710 ہو گئیں۔ اٹلی میں کورونا سے متاثرہ افراد کی تعداد 2 لاکھ 9 ہزار سے زائد ہے۔

فرانس میں بھی کورونا نے مزید 166 افراد کی جان لے لی۔ فرانس میں مرنے والوں کی تعداد 24 ہزار 760 سے زائد ہو گئی اور متاثرہ افراد کی تعداد ایک لاکھ 68 ہزار سے تجاوز کر گئی۔

جرمنی میں بھی کورونا سے اموات کا سلسلہ جاری ہے اب تک ہونے والی اموات کی تعداد 6 ہزار 800 سے بڑھ گئی ہے جب کہ کورونا کے مریضوں کی تعداد 1 لاکھ 64 ہزار سے تجاوز کر گئی ہے۔ترکی میں بھی کورونا کے وار جاری ہیں۔ گزشتہ 24 گھنٹے کے دوران مزید 78 افراد موت کے منہ میں چلے گئے جس کے بعد اموات کی تعداد 3 ہزار 3 سو سے تجاوز کر گئی۔

ایران میں کورونا نے مزید 65 افراد کی جان لے لی جس کے بعد ایران میں کورونا سے اب تک 96 ہزار448 افراد متاثر ہوئے اور ہلاکتوں کی تعداد 6 ہزار ایک سو سے بڑھ گئی ہے۔
روس میں بھی متاثرین کی تعداد میں ریکارڈ اضافہ ہوا، ایک ہی دن 9 ہزار 623 افراد مہلک وائرس سے متاثر ہوئے، دنیا بھر میں متاثرہ افراد کی تعداد 34 لاکھ 85 ہزار تک پہنچ گئی ہے، اب تک 11 لاکھ 22 ہزار افراد صحت یاب ہو چکے ہیں