مصر میں حکومت مخالف مظاہروں پر سابق صدر محمد مرسی کی جماعت سے تعلق رکھنے والے کئی مظاہرین کو گرفتار کیا گیا ہے.
باغی ٹی وی کی رپورٹ کے مطابق جن لوگوں کو گرفتار کیا گیا ہے وہ حکومت مخالف مظاہروں میں شریک تھے اور ان پر مبینہ طور پر دہشت گردی میں ملوث ہونے کا الزام ہے.
ایمنسٹی انٹرنیشنل نے حالیہ گرفتاریوں پر احتجاج کرتے ہوئے مصر کو ایک جیل قرار دیا ہے. حکومت مخالف مظاہروں پر جن آٹھ لوگوں کو حراست میں لیا گیا ہے ان کا تعلق اخوان المسلمین سے بتایا گیا ہے. واضح رہے کہ مصری حکومت کی طرف سے اخوان پر 2013 میں پابندی لگائی گئی تھی. واضح رہے کہ سابق مصری صدر محمد مرسی کی وفات کے بعد مصر میں احتجاجی مظاہروںکا سلسلہ جاری ہے.
