ملک میں عیدالاضحٰی مذہبی جوش و جزبے سے منائی گئی، آزادیِ کشمیر کیلئےخصوصی دعائیں

عیدالاضحیٰ کا تہوار ملک میں مکمل دینی عقیدت و احترام سے منایا گیا، مساجد اور عید گاہوں میں نماز عید ادا کی گئی اور سنت ابراہیمی کی پیروی میں قربانی کا فریضہ ادا کیا گیا.اس دفعہ کی عید میں کشمیری بھائیوں کےلیے خصوصی دعائیں کی گئی اور خطبا حضرات نے تقاریر کیں.

حکومت نے یہ عید مسئلہ کشمیر پر یکجہتی کے نام کی ہے، نماز عید کے اجتماعات میں کشمیریوں کے حق میں، امت مسلمہ کو درپیش مسائل کے حل کے لیے اور وطن کی سلامتی و خوشحالی کے لیے خصوصی دعائیں مانگی گئیں۔
صدر مملکت ڈاکٹر عارف علوی نے فیصل مسجد اور وزیراعظم عمران خان نے بنی گالا میں نماز عید ادا کی۔ چیئرمین سینیٹ صادق سنجرانی کوئٹہ اور سپیکر قومی اسمبلی اسد قیصر نے بھی فیصل مسجد میں عید پڑھی۔ اپوزیشن لیڈر شہباز شریف ماڈل ٹاؤن لاہور اور گورنر و وزیراعلیٰ پنجاب نے بادشاہی مسجد میں عید کی نماز ادا کی۔ وزیراعلی پنجاب عثمان بزدار نے نماز عید پڑھنے کے بعد پودا بھی لگایا، اس موقع پر گورنر پنجاب چودھری محمد سرور بھی ان کے ہمراہ تھے۔

سپیکر قومی اسمبلی اسد قیصر نے صوابی، خورشید شاہ سکھر، خواجہ آصف سیالکوٹ، سراج الحق نے لاہور اور دیگر سیاسی رہنماوں نے اپنے آبائی علاقوں میں نماز عید ادا کی۔

کشمیریوں سے اظہار یکجہتی کے لئے وزیر خارجہ شاہ محمود قریشی اور چیئرمین پیپلز پارٹی بلاول بھٹو نے عید مظفر آباد میں پڑھی۔ شاہ محمود قریشی نے نماز عید کے بعد گفتگو کرتے ہوئے کہا کہ پاکستان کا بچہ بچہ کشمیریوں کے ساتھ ہے، ہر فرد مسئلہ کشمیر پر یک زبان ہے۔ یہ معاملہ ہر قسم کی سیاست سے بالاتر اور اس معاملے پر تمام سیاسی جماعتوں کا موقف بھی ایک ہے۔

ملک کے طول و عرض میں اس موقع پر سیکیورٹی کے سخت انتظامات کیے گئے، قانون نافذ کرنے والے اداروں کی جانفشانی اور لگن کے باعث کہیں بھی کوئی ناخوشگوار واقعہ پیش نہ آیا۔

صدر مملکت عارف علوی نے فیصل مسجد اسلام آباد میں نماز عید ادا کی، وزیراعظم عمران خان نے بنی گالامیں نماز پڑھی۔

کشمیری عوام سے اظہار یکجہتی کے لیے وزیر خارجہ شاہ محمود قریشی اور پیپلز پارٹی کے چیئرمین بلاول بھٹو زرداری نے مظفر آباد میں نماز عید ادا کی۔

نماز عید کی ادائیگی کے بعد سنت ابراہیمی کی پیروی میں جانوروں کی قربانی کی گئی۔