سپیکر پنجاب اسمبلی چوہدری پرویز الہی سے سابق ایڈووکیٹ جنرل پنجاب احمد اویس نے ملاقات کی،ملاقات میں سیاسی۔ قانونی معاملات اور ضمنی انتخاب کےبارے میں تبادلہ خیال کیا گیا.

فیصل نیازی کا استعفیٰ منظور،ن لیگ کا پنجاب اسمبلی میں ایک اور ووٹ کم ہوگیا

ملاقات کے دوران چودھری پرویز الٰہی نے کہا کہ سپریم کورٹ کی واضح ہدایات کے باوجود حمزہ شہباز غیر قانونی تبادلے کرر ہے ہیں،ضمنی الیکشن والے حلقوں میں حکومت پنجاب کی جانب سے ضابطہ اخلاق کی کھلم کھلا خلاف ورزی کی جارہی ہے.سپریم کورٹ کوحمزہ شہباز کے غیر قانونی اقدامات اور توہین عدالت کے مترادف کاموں پر از خود نوٹس لینا چاہئے۔

ضمنی الیکشن میں حکومتی مداخلت،عدالت نے یاسمین راشد کی درخواست نمٹا دی

سپیکر پنجاب اسمبلی چوہدری پرویز الہی نے کہا کہ الیکشن کمیشن اپنے معصومیت کے اعلانات نہ کرے۔ الیکشن کمیشن اپنے عمل اور رویے سے اپنی غیر جانبداری ثابت کرے ورنہ کوئی اس پر یقین نہیں کرے گا، پی ٹی آئی کے امیدواروں کو دھمکیاں اور کارکنوں کو گرفتار کر رہے ہیں، حمزہ شہباز کے یہ غیر قانونی اقدامات توہین عدالت کے مترادف ہیں.

چودھری پرویزالٰہی کا کہنا تھا کہ سپریم کورٹ کو اس کا از خود نوٹس لینا چاہئے، الیکشن کمیشن کو اپنی عزت اور غیر جانبداری کا کچھ بھی پاس ہے تو نیب اور انتظامیہ میں ہونے والی حالیہ غیرقانونی تبدیلوں کا فوری نوٹس لے، الیکشن کمیشن غیر قانونی تبادلوں کو فی الفور کالعدم قرار دے۔