پیپلز پارٹی کی رہنما شازیہ مری کا کہنا ہےکہ الیکشن کی تاریخ کون دےگا یہ بات اہم نہیں، اہم بات یہ ہےکہ الیکشن جلد از جلد ہوں، ہمیں لیول پلیئنگ فیلڈ دی جائے جبکہ پیپلزپارٹی کی سینٹرل ایگزیکٹو کمیٹی کا اجلاس بلاول ہاؤس لاہور میں آصف زرداری اوربلاول بھٹو کی زیر صدارت ہوا اور اجلاس کےبعد میڈیا بریفنگ میں شازیہ مری کا کہنا تھا کہ عام انتخابات کے لیے تاریخ کون دیتا ہے یہ پیپلز پارٹی کی بحث نہیں ہمارے لیے معیشت بھی ضروری ہے اور الیکشن بھی، حلقہ بندیاں اگر ضروری ہیں تو الیکشن کی تاریخ کا بھی اعلان ہونا چاہیے۔
شازیہ مری کا کہنا تھا کہ صدر مملکت نے الیکشن کی تاریخ تجویز کرکے ابہام پیدا کرنے کی کوشش کی ہے، ان کا کہنا تھا کہ مسلم لیگ ن جو چاہے الزام تراشی کرے ، یہ فیصلہ پارٹی کرے گی کہ ان کے ساتھ کیسے ڈیل کرنا ہے، ہم کسی صوبے میں کم زور نہیں، ہمیں دیوار سے لگانےکی کوشش کی جا رہی ہے۔
مزید یہ بھی پڑھیں؛
نامزد چیف جسٹس قاضی فائز عیسیٰ کو حلف اٹھانے سے روکنے کیلئے سپریم جوڈیشل کونسل میں درخواست دائر
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
جبکہ رہنما پیپلز پارٹی فیصل کریم کنڈی کا کہنا تھا کہ نگران حکومت پر تحفظات ہیں، دیگر صوبوں میں ترقیاتی کام جاری ہیں مگر سندھ میں ان پر پابندی عائد کردی گئی ہے، فیصل کریم کنڈی کا کہنا تھا کہ اعتزاز احسن اور لطیف کھوسہ مصروفیات کےباعث اجلاس میں شریک نہیں ہوسکے، لطیف کھوسہ کو شوکاز جاری کیا گیا ہے، پارٹی سے نہیں نکالا گیا، سی ای سی کا اجلاس جمعےکو بھی ہوگا۔
