حکومت کے ہاتھ میں فیصلہ ہے، الیکشن کرانا ہیں یابرے حادثے کا شکا ر ہونا ہے،شیخ رشید

اسلام آباد: عوامی مسلم لیگ کے سربراہ شیخ رشید کا کہنا ہے کہ حکومت کے ہاتھ میں فیصلہ ہے کہ آئی ایم ایف کے پاس جانا ہے، الیکشن کرانا ہیں یابرے حادثے کا شکا ر ہونا ہے۔

باغی ٹی وی : سماجی رابطے کی ویب سائٹ ٹویٹر پر اپنی ٹوئٹ میں سابق وفاقی وزیر اور عوامی مسلم لیگ کے سربراہ شیخ رشید نے ایک نوٹ شئیر کیا جس میں ان کا کہنا تھا کہ مختصر ترین وقت میں متبادل جگہ پر عمران خان کا کامیاب ترین جلسہ سیاست کی تاریخ ہے، حکومت کے ہاتھ میں فیصلہ ہے کہ آئی ایم ایف کے پاس جانا ہے، الیکشن کرانا ہیں یابرے حادثے کا شکا ر ہونا ہے۔

عمران خان قوم کاسب سےقیمتی سرمایہ:اللہ ان کی حفاظت فرمائے:حماداظہر

#امپورٹڈ_حکومت_نامنظور pic.twitter.com/OJn1yh3tWU

— Sheikh Rashid Ahmed (@ShkhRasheed) May 15, 2022

شیخ رشید کا کہنا تھا کہ عابد شیر علی کے والد شیر علی نے رانا ثناء اللہ کو 22 افراد کا اجرتی قاتل کہا مگر ادارے خاموش ہیں، اے این ایف نے رانا ثناء اللہ پر منشیات فروشی کی 15 شہادتوں کا بیان عدالت میں دیا مگر فرد جرم نہ لگ سکی، میں آج شام 3 بجکر 5 نٹ پر سرینا ہوٹل فیصل آباد میں میڈیا سے بات کروں گا اور پھر شام کو دھوبی گھاٹ کے جلسے سے خطاب بھی کروں گا-

پولیس حلیم عادل شیخ کی گرفتاری کیلئے ان کے گھر پہنچ گئی

قبل ازیں رہنما تحریک انصاف حماد اظہر نے کہا تھا کہ عمران خان قوم کا سب سے قیمتی سرمایہ ہیں اللہ تعالیٰ ان کا سایہ ہم پررکھے

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں حماد اظہر نے لکھا تھا کہ عمران خان قوم کا سب سے قیمتی سرمایہ ہیں،ان کے جیسا دیانت دار اور نڈر لیڈر پوری اسلامی دنیا میں نہیں کل رات خان صاحب کی بات نے پوری قوم کو پریشان کر دیا، اللہ ان کی حفاظت فرمائے اور ان کا سایہ ہمارے سر پہ سلامت رکھے۔

‏عمران خان جان کو خطرے کا کہہ کر شعبدہ بازی کر رہے ہیں ،خواجہ آصف