دنیا کے امیر ترین شخص اور اسپیس ایکس اور ٹیسلا کے بانی ایلون مسک دنیا کو لاحق مسائل کے حوالے سے اکثر اپنی رائے کا اظہار کرتے رہتے ہیں۔
باغی ٹی وی : حال ہی میں سماجی رابطے کی ویب سائٹ ٹوئٹر پر ایلون مسک نے کہا کہ انسانیت کے لیے سب سے بڑا خطرہ شرح پیدائش میں کمی ہے-
Doing my best to help the underpopulation crisis.
A collapsing birth rate is the biggest danger civilization faces by far.
— Elon Musk (@elonmusk) July 7, 2022
امریکی صدر خطے کے دورے پر آئیں تو ہم سے بھی ملیں،ابو عاقلہ کے خاندان کا مطالبہ
7 جولائی کو ایک ٹوئٹ میں ایلون مسک نے کہا کہ وہ دنیا میں آبادی کی کمی کے ‘بحران’ پر قابو پانے کے لیے اپنی ہر ممکن بہترین کوشش کر رہے ہیں شرح پیدائش میں کمی انسانیت کو درپیش سب سے بڑا خطرہ ہے-
Mark my words, they are sadly true
— Elon Musk (@elonmusk) July 7, 2022
حال ہی میں ایک رپورٹ میں عدالتی دستاویزات کے حوالے سے انکشاف ہوا تھا کہ ‘نومبر 2021 میں ایلون مسک نے خفیہ طور پر اپنی نیورو ٹیکنالوجی فرم ‘نیورالنک’ کی ایک اعلیٰ ایگزیکٹو شیون زیلیس کے ساتھ جڑواں بچوں کو خوش آمدید کہا۔
یہ انکشاف 6 جولائی کو اس وقت ہوا جب امریکی ویب سائٹ’بزنس انسائیڈر‘ نےایلون مسک کی کچھ عدالتی دستاویزات حاصل کیں جن میں جڑواں بچوں کے نام تبدیل کرنے کے لیے درخواست دائر کی گئی تاکہ بچوں کے ناموں کے ساتھ ان کے والد کا نام جُڑ سکے۔
چین خلا کا پرامن استعمال کرتا آرہا ہے،وزارت خارجہ
جڑواں بچوں کی پیدائش کے بعد اب ایلون مسک کے 9 بچے ہوگئے ہیں، اس سے قبل ان کی پہلی اہلیہ جسٹن مسک کے ساتھ 5 بچے ہیں جب کہ گرل فرینڈ کینیڈین گلوکارہ گرائمز سے 2 بچے ہیں البتہ جڑواں بچوں کی پیدائش کے حوالے سے ایلون مسک یا شیون زیلیس نے کوئی بیان جاری نہیں کیا۔
واضح رہے کہ ایلون مسک ماضی میں بھی شرح پیدائش میں کمی کے حوالے سے خدشات ظاہر کرچکے ہیں2017 میں ایک ٹوئٹ میں انہوں نے کہا تھا کہ دنیا کی آبادی بہت تیزی سے منہدم ہو رہی ہے مگر بہت کم افراد کو اس کی پروا ہےاسی طرح 2021 میں انہوں نے کہا تھا کہ آبادی میں کمی مستقبل کی تہذیب کے لیے سب سے بڑا خطرہ ہے-