یوکرین تنازع: ایلون مسک کا روسی صدر کو فائٹ کا چیلنج
![](https://baaghitv.com/wp-content/uploads/2021/07/elon-musk.jpeg)
یوکرین تنازع: دنیا کے امیر ترین شخص ایلون مسک نے روس کے صدر ولادیمیر پیوٹن کو یوکرین کے معاملے پر ون ٹو ون فائٹ کا چیلنج دے دیا۔
باغی ٹی وی : عالمی خبررساں ادارے کے مطابق سماجی رابطے کی ویب سائٹ ٹوئٹر پر ایلون مسک نے روسی صدر کو چیلنج دیتے ہوئے لکھا کہ میں ولادیمیر پیوٹن کو لڑائی کا چیلنج کرتا ہوں اور داؤ پر یوکرین ہوگا ۔
یو کرین کی اپیل پرایلون مسک کی جانب سے مدد
ٹوئٹ میں ایلون مسک نے ٹوئٹ میں ولادیمیر پیوٹن اور یوکرین کا نام روسی زبان میں تحریر کیا ایک اور ٹوئٹ میں ایلون مسک نے پورا پیغام روسی زبان میں تحریر کیا۔
Вы согласны на этот бой? @KremlinRussia_E
— Elon Musk (@elonmusk) March 14, 2022
اس پیغام میں انہوں نے لکھا کیا آپ فائٹ کے لیے متفق ہیں؟ ٹوئٹ میں ایلون مسک نے روسی صدارتی محل کے آفیشل ٹوئٹر اکاؤنٹ کو بھی ٹیگ کیا۔
ایلون مسک کی ٹوئٹ پر ایک صارف نے کہا کہ روسی صدر آسانی سے فائٹ جیت جائیں گے تو انہوں نے ایک اور پوسٹ کی۔
ان کا کہنا تھا ‘اگر پیوٹن آسانی سے مغرب کو شکست دے سکتے ہیں تو پھر انہیں چیلنج قبول کرنا چاہیے، مگر وہ نہیں کریں گے’۔
خیال رہے کہ ایلون مسک یوکرین اور روس کے درمیان جاری جنگ پر ٹوئٹر اور اپنی کمپنیوں کے ذریعے کافی متحرک کردار ادا کررہے ہیں انہوں نے یوکرین کو اسٹار لنک اسپیس انٹرنیٹ آلات بھی فراہم کیے تھے تاکہ جنگ کے دوران انٹرنیٹ سروسز کو بحال رکھا جاسکے۔