بین الاقوامیپاکستان

شہرہ آفاق ڈرامے کے ہیرو انجن التان عید پر پاکستانی سکرین پر جلوہ گر ہوں گے

5 سال قبل
5 سال قبل

مسلمانوں کی اسلامی فتوحات پر مبنی شہرہ آفاق تُرک سیریز دیریلیس ارطغرل میں بہادر جنگجو کا مرکزی کردار نبھانے والے تُرک اداکار انجن التان دوزینتان عید کے دن پاکستان ٹیلی ویژن (پی ٹی وی) کی سکرین پر جلوہ گر ہوں گے-

باغی ٹی وی: پاکستان ٹیلی ویژن نے ارطغرل غازی کے مداحوں کو ایک اور خوشخبری سنا دی عید الاضحی کے موقع پر ارطغرل غازی کے کردار اپنے پاکستانی مداحوں کے ساتھ عید کے چند لمحات گُزار یں گے اور اپنی زندگی کے بارے میں باتیں شئیر کریں گے-

پی ٹی وی نے سماجی رابطے کی ویب سائٹ ٹویٹر پر اپنے ٹویٹر ہینڈلر سے انجن التان کی ایک ویڈیو شئیر کی جس میں انجن التان دل دل پاکستان اور پاکستان زندہ باد کہتے نظر آ رہے ہیں-


ویڈیو پوسٹ کرتے ہوئے پی ٹی وی نے کیپشن میں اس بات کا اعلان کرتے ہوئے لکھا کہ ہفتہ یکم اگست کو شام ساڑھے 7 بجے ارطغرل غازی کے اہم کردار ارطغرل کا انٹر ویو ملاحظہ کریں-

اس سے قبل پی ٹی وی نے ایک اور پوسٹ شئیر کی تھی جس میں انہوں نے اعلان کیا تھا کہ عید کے دوسرے دن ان لوگوں سے ملا قات کروائی جائے گی جنہوں نے ارطغرل غازی کی اردو میں ڈبنگ کرنے کا کام سرانجام دیا-اور اپنی آواز کے ذریعے پاکستان میں گھر گھر اسلام کے تاریخی محافظوں کا پیغام پہنچایا-

پی ٹی وی نے اپنے ٹویٹ میں لکھا تھا کہ ارطغرل غازی اردو ڈبنگ کی آوازوں کے ساتھ ایک ملاقات، اتوار 02 اگست شام 7.00 بجے صرف پی ٹی وی ہوم پر-

دوسری جانب پاکستان قومی کرکٹ ٹیم کے سابق کپتان شاہد آفریدی اور معروف میزبان وسیم بادامی مسلمانوں کی اسلامی فتوحات پر مبنی شہرہ آفاق سیریز دیریلیس ارطغر ل کے اہم کردار ترگت الپ کو ہوسٹ کریں گے-

سوشل میڈیا پر وائرل ویڈیو میں ترگت نے اس بات کا اعلان کیا تھا کہ وہ جلد ہی اپنے مداحوں کو ایک شو میں دکھائی دیں گے جسے شاہد آفریدی اور وسیم بادامی ہوسٹ کریں گے-

دوسری جانب پاکستان قومی کرکٹ ٹیم کے سابق کپتان شاید خان آفریدی نے بھی اپنے ویڈیو پیغام میں اس بات کا اعلان کرتے ہوئے اپنی ویڈیو میں کہا تھا کہ ہ اس عید کے موقع پر وہ اور وسیم بادامی استنبول سے ارطغرل غازی کے اہم کردار چینگز جوشقون یعنی ترگت الپ کو ہوسٹ کر رہے ہیں- اور جلدی ہی ہماری آپ سے ملاقات ہو گی-

واضح رہے کہ گزشتہ سال دسمبر 2019 میں پی ٹی وی نے وزیر اعظم عمران خان کی ہدایات کے بعد مسلمانوں کی فتوحات کی کہانی پر مبنی شہرہ آفاق ترکش ڈرامے دیریلیش ارطغرل کی اردو ڈبنگ کا آغاز کیا تھا۔

دنیا کے متعدد ممالک میں نشر ہونے کے بعد اب یہ پاکستان ٹیلی ویژن پریکم رمضان سے پاکستانی وزیراعظم عمران خان کی ہدایت پر نشر کیا جارہا ہے۔ساوتھ ایشین وائر کے مطابق بتایا گیا تھا کہ پی ٹی وی نے معروف ڈرامے دیریلیش ارطغرل کے اردو ترجمے کے بعد ایک اعلی مہارتی ٹیم کے ساتھ اس کی ڈبنگ شروع کی اور اسے پی ٹی وی پر نشر کرنا شروع کر دیا جس کے نشر ہوتے ہی اس ترک ڈرامے نے کئی ریکارڈ بنا ڈالے۔

ان سیریز میں تیرھویں صدی کے مسلمانوں کے اقدار کودکھایا گیا ہے اور اسلامی اقدار کو اس انداز میں پیش کیا گیا ہے کہ ہر مسلمان اس سیریز اور اس کے کرداروں کا دیوانہ ہےاس ڈرامے کو جو مقبولیت پاکستان میں حاصل ہوئی ہے وہ آج تک کسی بھی تُرک ڈرامے کو نہیں ملی اس ڈرامے اور کرداروں نے پاکستانیوں کو اپنے سحر میں جکڑ رکھا ہے-

اس ڈرامے کی کہانی 13ویں صدی میں ’سلطنت عثمانیہ‘ کے قیا م سے قبل کی ہے۔ ڈرامے کی مرکزی کہا نی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔

عیدالاضحی کے موقع پر وسیم بادامی اور شاہد آفریدی ارطغرل ڈرامے کی اہم کردارترگت الپ کو ہوسٹ کریں گے

‏ارطغرل غازی اردو ڈبنگ کی آوازوں کے ساتھ ایک ملاقات

ٹیگز:
زمرہ جات:
بین الاقوامیپاکستانشوبز
Shares:

مزید خبریں