عیدالاضحی کے موقع پر وسیم بادامی اور شاہد آفریدی ارطغرل ڈرامے کی اہم کردارترگت الپ کو ہوسٹ کریں گے

پاکستان قومی کرکٹ ٹیم کے سابق کپتان شاہد آفریدی اور معروف میزبان وسیم بادامی مسلمانوں کی اسلامی فتوحات پر مبنی شہرہ آفاق سیریز دیریلیس ارطغر ل کے اہم کردار ترگت الپ کو ہوسٹ کریں گے-

باغی ٹی وی : پاکستان قومی کرکٹ ٹیم کے سابق کپتان شاہد آفریدی اور معروف میزبان وسیم بادامی مسلمانوں کی اسلامی فتوحات پر مبنی شہرہ آفاق سیریز دیریلیس ارطغر ل کے اہم کردار ترگت الپ کو ہوسٹ کریں گے-

عید کے موقع پر ارطغرل کے اہم کردار ترگت الپ شاہد آفریدی اور وسیم بادامی کے ساتھ ایک شو میں شرکت کریں گے pic.twitter.com/Q6BkPdrme6

— Ayesha (@Ayesha701900053) July 28, 2020

سوشل میڈیا پر وائرل ویڈیو میں ترگت نے اپنے مداحوں کو سلام کہا اور اس بات کا اعلان کیا ہے کہ وہ جلد ہی اپنے مداحوں کو ایک شو میں دکھائی دیں گے جسے شاہد آفریدی اور وسیم بادامی ہوسٹ کریں گے-

دوسری جانب پاکستان قومی کرکٹ ٹیم کے سابق کپتان شاید خان آفریدی نے بھی اپنے ویڈیو پیغام میں اس بات کا اعلان کیا –

آاس عید الاضحی کے موقع پر ارطغرل۔ڈرامے کا اہم۔کردار ترگت الپ وسیم بادامی اور قومی کرکٹر شاہد آفریدی کے ساتھ شو میں شرکت کریں گے pic.twitter.com/5OkYplkhVc

— Ayesha (@Ayesha701900053) July 28, 2020

شاہد آفریدی نے کہا کہ اس عید کے موقع پر وہ اور وسیم بادامی استنبول سے ارطغرل غازی کے اہم کردار چینگز جوشقون یعنی ترگت الپ کو ہوسٹ کر رہے ہیں- اور جلدی ہی ہماری آپ سے ملاقات ہو گی-

واضح رہے کہ گزشتہ سال دسمبر 2019 میں پی ٹی وی نے وزیر اعظم عمران خان کی ہدایات کے بعد مسلمانوں کی فتوحات کی کہانی پر مبنی شہرہ آفاق ترکش ڈرامے دیریلیش ارطغرل کی اردو ڈبنگ کا آغاز کیا تھا۔

دنیا کے متعدد ممالک میں نشر ہونے کے بعد اب یہ پاکستان ٹیلی ویژن پریکم رمضان سے پاکستانی وزیراعظم عمران خان کی ہدایت پر نشر کیا جارہا ہے۔ساوتھ ایشین وائر کے مطابق بتایا گیا تھا کہ پی ٹی وی نے معروف ڈرامے دیریلیش ارطغرل کے اردو ترجمے کے بعد ایک اعلی مہارتی ٹیم کے ساتھ اس کی ڈبنگ شروع کی اور اسے پی ٹی وی پر نشر کرنا شروع کر دیا جس کے نشر ہوتے ہی اس ترک ڈرامے نے کئی ریکارڈ بنا ڈالے۔

ان سیریز میں تیرھویں صدی کے مسلمانوں کے اقدار کودکھایا گیا ہے اور اسلامی اقدار کو اس انداز میں پیش کیا گیا ہے کہ ہر مسلمان اس سیریز اور اس کے کرداروں کا دیوانہ ہےاس ڈرامے کو جو مقبولیت پاکستان میں حاصل ہوئی ہے وہ آج تک کسی بھی تُرک ڈرامے کو نہیں ملی اس ڈرامے اور کرداروں نے پاکستانیوں کو اپنے سحر میں جکڑ رکھا ہے-

اس ڈرامے کی کہانی 13ویں صدی میں ’سلطنت عثمانیہ‘ کے قیا م سے قبل کی ہے۔ ڈرامے کی مرکزی کہا نی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔

‏ارطغرل غازی اردو ڈبنگ کی آوازوں کے ساتھ ایک ملاقات