ورلڈ کپ، انگلینڈ کا بھارت کو فتح کیلئے 338 رنز کا ٹارگٹ، محمد شامی نے پانچ کھلاڑی آؤٹ کئے

کرکٹ ورلڈکپ کے 38 ویں میچ میں میزبان انگلینڈ نے بھارت کو جیتنے کیلئے 338 رنز کا بڑآ ہدف دیا ہے. بھارت کی جانب سےمحمد شامی نے5، بھمرااورکلدیپ یادیو نے ایک، ایک وکٹ حاصل کی ہے.

باغی ٹی وی کی رپورٹ‌کے مطابق انگلینڈ کے کھلاڑیوں‌ نے بھارت کے خلاف پر اعتماد بیٹنگ کی. دونوں اوپنر جونی اور جیسن نے اچھا آغاز فراہم کیا.. انگلینڈ نے بھارت کے خلاف ٹاس جیت کر بیٹنگ کا فیصلہ کیا۔ پاکستان شائقین اس میچ میں بھارت ک جیت کے لیے دعاگو ہیں‌تاکہ پاکستانی ٹیم کو سیمی فائنل میں‌ پہنچنے کیلئے آسانی ہو سکے.

برمنگھم کے ایجبسٹن گراؤنڈ میں انگلش ٹیم کے کپتان اوئن مورگن نے ٹاس جیت کر بیٹنگ کا فیصلہ کیا جس کے بعد ان کا کہنا تھا کہ بھارت کے خلاف ٹیم میں دو تبدیلیاں کی گئی ہیں۔ انگلش ٹیم میں معین علی اور جیمس ونس کی جگہ جیسن روئے اور لیام پلنکٹ کو شامل کیا گیا ہے جبکہ بھارت نے وجے شنکر کی جگہ رشب پانٹ کو گیارہ رکنی ٹیم کا حصہ بنایا ہے۔

سیمی فائنل میں جگہ بنانے کے لیے انگلینڈ کو آج لازمی بھارت کو زیر کرنا ہوگا اور شکست کی صورت میں انگلش ٹیم ایونٹ سے باہر ہوسکتی ہے جب کہ بھارت کی کامیابی اسے سیمی فائنل میں پہنچا دے گی۔ آج کے میچ میں بھارتی ٹیم کی جرسی تبدیل ہوگی، دونوں ٹیموں کی وردیاں نیلی ہونے کی وجہ سے آئی سی سی قوانین کے مطابق میزبان ٹیم کی وردی وہی رہے گی اور مہمان بھارتی ٹیم کے کھلاڑی نئی وردی میں دکھائی دیں گے۔